Reforma në drejtësi dhe veçanërisht Prokuroria Speciale duket se ka nisur të shqetësojë politikën. Nga dita në ditë shtohen sinjalet se hetimet do të zbresin edhe tek pushtetarët, por më i shqetësuari duket të jetë presidenti honorifik pa honor os e shpërndarsi i dekoratve si president këmbora, Ilir Meta.
Gjatë një takimi me përfaqësues të shoqërisë civile, Meta u shpreh se nuk pret nga drejtësia që të vendosin zgjedhje të lira e të ndershme sepse sistemi i drejtësisë ka shumë probleme. Presidenti iu drejtua SPAK-ut, duke thënë se me “cironkat” e dosjes së Dibrës dhe Shijakut nuk tremben ata që kanë ndërmend të vënë dorë mbi procesin zgjedhor.
Sipas tij nëse drejtësia dhe SPAK do të funksiononte, nuk do të organizohej takimi dhe zgjedhjet do të ishin të paprekura. “Vota duhet të jetë njëherë e përgjithmonë e shenjtë dhe e barabartë. Ne do t’i mbështesim të gjitha institucionet të bëjnë detyrën në këtë drejtim, përfshi edhe SPAK-un.
Por me “cironkat” e dosjes së Dibrës dhe Shijakut nuk trembet asnjë nga ata që kanë ndërmend të vënë dorë mbi procesin zgjedhor. Nuk pres nga drejtësia që të vijnë zgjedhje të lira dhe të ndershme sepse i dimë problemet që ka sistemi i drejtësisë. E dyta nuk do kishte nevojë fare që ta bënim këtë takim bashkë nëse do kishte funksionuar prokuroria, edhe SPAK.
Zgjedhjet e Shijakut dhe të Dibrës janë bërë shkak i situatës që kemi sot në Parlament, nga polarizimi në Parlament. Nga zgjedhjet e lira dhe të ndershme do çlirohet dhe drejtësia nga kjo trysni politike për ta kapur. Do jetë vota e tyre që do vendosë”, tha Meta. President “Këmbora” u shpreh se nëse dikush është i shqetësuar për ndikimin e tij tek LSI, ta ndëshkojë atë.
Meta akuzoi kryeministrin Edi Rama duke e quajtur të papranueshëm faktin se ai bën mbledhje me kryetarët e bashkive për të kërkuar vota. Sipas presidentit ky nuk është një problem personal edhe pse të tjerët kështu ia kthejnë. “Presidenti ka thënë, nëse ka dikush merak që ndikon për ish-partinë e tij, ta ndëshkojnë, nëse ajo përpiqet të vërë dorë mbi zgjedhjet.
Të ndëshkojnë ish-partinë e tij. Për presidentin ka rëndësi vetëm që vota të jetë e barabartë. Ama nëse kryeministri për fat të keq mbledh kryetarët e bashkive dhe iu thotë publikisht që “dua 800 mijë vota nga ju”, këtë nuk e di. Kjo mua nuk më duket e pranueshme. Të tjerët përpiqen ta kthejnë në një problem personal, por nuk është problem personal”, u shpreh Meta.
Meta paralajmëron fushatë në të gjithë vendin
Ilir dekorata, deklaroi se nëse Partia Socialiste konfirmohet pa prekur votën, ai do të japë dorëheqjen më 26 prill. Meta tha se do të shkojë në të gjithë Shqipërinë për të shpërndarë mesazhin se qytetarët kanë votën si fuqi dhe duhet ta përdorin atë për të zgjedhur dhe për të ndëshkuar.
Sipas tij rëndësi ka angazhimi për të ndaluar këdo që përpiqet ta vrasë demokracinë. “Nëse kjo shumicë konfirmohet pa prekur votën, Presidenti jep dorëheqjen më 26 prill. Të jenë të qartë të gjithë, presidenti do të shkojë në të gjithë Shqipërinë me këto mesazhe: Qytetarët duhet të ndërgjegjësohen se në demokraci, fuqia e tyre është vota.
Ta përdorin votën për të zgjedhur dhe për të ndëshkuar. Ta orientojnë votën e tyre tek kandidatët më me integritet. Për mua ka rëndësi të ringjallet besimi tek demokracia. Presidenti nuk do të fshihet kurrë nga një sfidë e madhe, angazhimi për të ndalur çdo përpjekje që synon të vrasë demokracinë”, tha ai.