Sipas pamjeve që po qarkullojnë në rrjetet sociale, disa përdorues pretendojnë se kanë vënë re presidentin duke dremitur gjatë transmetimit nga lozha private ku ai ndodhej së bashku me pronarin e New York Knicks, James Dolan.
Rasti ka nxitur reagime të shumta në internet, ku kritikët e kanë rikthyer në vëmendje akuzat e mëparshme ndaj Trump për përgjumje gjatë aktiviteteve publike, duke e cilësuar shpesh me nofkën “Commander-in-Sleep”.
Grupi aktivist anti-Trump “Lincoln Project” e ironizoi praninë e tij në ndeshje, duke e quajtur “dremitja më e shtrenjtë e financuar nga taksapaguesit”.
Komentet nuk u ndalën me kaq. Disa përdorues të tjerë kritikuan edhe deklaratat e mëparshme të presidentit, i cili u kishte sugjeruar tifozëve që nuk përballonin çmimet e larta të biletave ta ndiqnin ndeshjen në televizor.
