Reperja e njohur Loredana Zefi u arrestua para disa ditësh nga policia e Luzernit. Lajmi u bërë i ditur nga media “20 minuten”, e cila ka shpalosur historinë dhe akuzat që rëndojnë mbi Loredanën.
Por pak orë pas lajmit të bujshëm u mor vesh gjithashtu se Loredana Zefi u lirua po atë mbrëmje që u arrestua pasi u mor në pyetje nga policia. Loredana akuzohet për vjedhjen e 900 mijë frangave, ku është shtirur edhe si vajza e një avokati të njohur zvicerian.
Mënyra se si kishte vepruar Loredana për të mashtruar çiftin zviceran dhe vjedhur paratë i ngjan një skenari filmash. Loredana ishte paraqitur te çifti me emrin Anna Landmann dhe shtirej si vajza e jashtëligjshme e një avokati të njohur në Zvicër me emrin Valentin Landmann.
Brenda pak muajsh, thuhet se avokatja e dyshuar ka arritur të tërheqë nga çifti zviceran vlerën prej 900,000 frangash nëpërmjet mashtrimit.
Por, menjëherë pas zbulimit të skemës së mashtrimit, ka reaguar dhe avokati i njohur Valentin Landmann, emri i të cilit është përdorur për manipulim.
Ai është shprehur:
Nuk isha aspak i lumtur kur dëgjova për lajmin. Ky është një abuzim absurd me emrin tim. Nuk kam të bëj me ngjarjen dhe nuk kam asnjë vajzë të jashtëligjshme. Gjithçka është gënjeshtër.”
Reperja Loredana pretendonte se ishte Anna Landmann 29-vjeçare, vajza e paligjshme e avokatit të njohur të Cyrihutm Valentin Landmann.
Sidoqoftë, emri Anna Landmann është i njohur për avokatin, pasi ky është emri i ish-gruas së tij.
Landmann tha:
Është e qartë se kjo që ka ndodhur është e dënueshme. Kjo gjë është joligjore.”
Ajo po hetohet si e dyshuar për mashtrim, zhvatje, detyrim dhe kërcënim.