Nga Ylli Pata
Kim-i ka goditur sërish. Por këtë radhë me një goditje të tillë, që çdo shqiptar autokton i Shkupit do të skuqet në gjithë trupin. Sepse Kim-i ka kaluar një kufi, në përrenjtë e tij psiqik kundër mazhorancës, qeverisë e Shqipërisë.
Kimi Mehmeti, një opinionist ikonik pro Berishës ka marrë në dorë shkopin e antisemitizmit, duke ju bashkëngjitur disa fanatikëve, të cilët si fanatikë as nuk ja vlen të konsiderohen.
Por rreshtimi i një emri që prej vitesh është në krye të editorialistëve pro Berishës kundër një muzeu hebraik në Vlorë nuk është gjë tjetër veçse një sinjal politik.
Një sinjal që tregon qartë se opozita që Kim Mehmeti është pararoja e një qëndrimi politik.
“Shqipëria nuk ka shumëçka që asaj t’ia rikujtojë të shkuarën si dhe plagët nga ajo e shkuar, por ka një Kryeministër të pafe, që Zot të vetëm ka lekun dhe mbetjen në pushtet. Po ashtu, Shqipëria nuk ka as muze për epokën e vet më të ndritshme, atë të Rilindjes dhe Rilindasve, por do të ketë shtetin bektashi”, shprehet Kim-i.
Për të cilin është i pafe ai që ka marrë vendimin e një muzeu që të tregojë një histori të rëndësishme të jetës së hebrejve në Vlorë. Po përse është i pafe?
Sepse kjo nuk është logjikë normale, është qëndrim i bashkëngjitur me ekstremistët, për të cilët të gjithë që nuk janë të besimit të tyre konsiderohen të pafe.
Kim-i thotë më tej se “Në Shqipëri është duke u shlyer kujtesa shqiptare, sepse ajo nuk ka asnjë muze për veten, por do të ketë muze hebre, dhe ngaqë ajo nuk ka as mendimtarë, as akademikë, as shkrimtarë, as hoxhallarë, as priftërinj… që do t’i përkrahnin publikisht të rinjtë që protestojnë”.
Një deklaratë pa logjikë e me mjaft mllef, pasi muzetë në Shqipëri janë një antologji tashmë e konsoliduar. Mjafton që Kim-i të shkojë në Krujë, në muzeu e Gjergj Kastriotit, apo edhe në Varrezat Monumentale “Trëndafilat e Çamërisë” në Kllogjer të Konispolit.
Natyrisht tema e muzeve është një çështje që duhet diskutuar, pasi ka realisht një problem, madje të madh që në atë të Frashëllinjve në Përmet e shumë site të rëndësishme që duhen pasuruar.
Kim-i është një shkrimtar që ka pasur mjaft aktivitet gjatë Jugosllavisë së vjetër, por asnjëherë nuk ka ngritur çështjen e muzeve të trashëgimisë ilire e shqiptare në trevat tona në Maqedoninë e Veriut.
Megjithatë, kjo është tjetër çështje, pasi ky sinjal që ka sjellë sot një nga emrat e rëndësishëm pranë Berishës, nuk tregon mendimin e tij antisemite. Kjo dihej, port ë qarqeve politike që janë pranë tij…
