Pak para nisjes së protestës së opozitës presidenti Ilir Meta bëri me dije shfuqizimin e dekretit për zgjedhjet e 30 Qershorit duke thelluar edhe më tepër krizën politike në vend.
Kushtetuta e Republikës së Shqipërisë parashikon kompetencën e Presidentit për të caktuar datën e zgjedhjeve. Ajo dispozitë për këto zgjedhje është ezauruar. E ka bërë efektin e vet ditën që Meta aty ka mbështetur nxjerrjen e dekretit per daten e zgjedhjeve.
Referenca kushtetuese për caktimin e datës së zgjedhjeve të 30 Qershorit është konsumuar për këto zgjedhje dhe nuk mund të merret vendim për shfuqizimin e saj.
Kjo dispozitë mund të ripërdoret kur të vijnë zgjedhjet e tjera por në këto zgjedhje është e pamundur pasi vetë ligji themelor i shtetit nuk e lejon diçka të tillë. Është sikur nuk ka ndodhur kurrë.
Kështu që nuk dihet se ku e ka mbështetjen ligjore presidenti Meta për këtë vendim. Mbase mund të jetë konsultuar me Monën dhe me Lulin.
Caktimin e datës së zgjedhjeve Ilir Meta e bëri në konsultë me kryetarët e grupeve parlamentare, sepse kështu e kërkon zakoni kushtetues, që është pjesa e pashkruar e të drejtës kushtetuese, por që ka të njëjtën fuqi ligjore si Kushtetuta.
Atë kohë që u bënë negociatat për datën e zgjedhjeve u thirrën me radhë. Taulant Balla, Lulzim Basha dhe gjithë të tjerët. Tani duhet të shpjegoje se kush i vajti kësaj radhe.
Meta hodhi idenë e shtyrjes së zgjedhjeve. Te paktën duhet të ishte konsultuar me Taulantin, Rudinën dhe Nimet Musajin e të pavarurve. Parlamenti ka vetëm këta kryetarë gurpesh parlamentare. Të tjerë nuk ka./CNA.al
