Kombëtarja shqiptare e futbollit arriti të shënonte një gol nderi mbrëmjen e djeshme në miqësoren kundër Spanjës, të zhvilluar në stadiumin e Espanjollit.
Mirëpo në momentet e fundit Spanja shkoi në avantazh ndaj Shqipërisë. Humbja la një shijë të hidhur për shkak të një episodi të dyshimtë në golin e avantazhit të vendasve.
Në minutën e 90-të, mesfushori i Barcelonës, Pedri, dhuroi një asistim fantastik për Zhordi Albën, i cili ka shumë gjasa, që në momentin që të ketë qenë në pozicion jashtë loje. Bëhet fjalë për një moment milimetrik, që vetëm VAR-i mund ta ndante.
Por për treshen e gjyqtarëve nga Malta, gjithçka u konsiderua e rregullt. Në vijim të aksionit, kapiteni Alba shërbeu për Dani Olmon, që me një perlë, e dërgoi topin në trekëndësh.
Në rast se në këtë rast do të kishte ndërhyrë VAR-i, Shqipëria do mund të largohej me një barazim historik ndaj Spanjës në Barcelonë.
https://www.cdnimpuls.com/video/62400d3fc6499.mp4
