Japan Airlines do të prezantojë robotë humanoidë në mënyrë eksperimentale në fillim të majit, me synimin për t’i përdorur ata në mënyrë të përhershme si zgjidhje ndaj mungesës kronike të fuqisë punëtore në vend.
Robotët humanoidë, të prodhuar në Kinë, do të lëvizin bagazhet dhe ngarkesat e udhëtarëve në pistën e Hanedës, e cila përpunon më shumë se 60 milionë pasagjerë në vit.
JAL dhe partneri i saj në këtë nismë, Japan Airlines GMO Internet Group, shpresojnë që eksperimenti, i cili përfundon në vitin 2028, të lehtësojë barrën mbi punonjësit në kushtet e një rritjeje të turizmit dhe parashikimeve për mungesa edhe më të theksuara të fuqisë punëtore.
Në një demonstrim për mediat, një robot 130 centrmetra i gjatë, u pa duke “shtyrë” me kujdes ngarkesa drejt një transportuesi pranë një avioni pasagjerësh të JAL dhe duke përshëndetur një koleg të padukshëm.
Pavarësisht pjesëtarëve të rinj të stafit, detyrat kyçe si menaxhimi i sigurisë do të vazhdojnë të kryhen nga njerëzit.
Japonia po përballet me vështirësi për të përballuar paralelisht rritjen e turistëve dhe popullsinë që po shkon drejt plakjes.
Sipas vlerësimeve, Japonia do të ketë nevojë për më shumë se 6.5 milionë punëtorë të huaj deri në vitin 2040 për të arritur objektivat e saj të rritjes, ndërsa fuqia punëtore vendase vazhdon të tkurret. Popullsia e huaj në vend është rritur ndjeshëm vitet e fundit, por qeveria tani po përballet me presion politik për të kufizuar emigracionin.
Robotët mund të funksionojnë vazhdimisht për dy deri në tri orë dhe kompanitë planifikojnë t’i përdorin ata edhe për detyra të tjera, si pastrimi i kabinave të avionëve./The Guardian
