“Sot fitoi e Ardhmja, Shteti, Qytetaria”. Kështu deklaroi nga selia e PS-së, Edi Rama në mbyllje të votimeve të 30 qershorit.Mes ovacionesh të shumta nga përkrahësit e PS-së, kryeministri Edi Rama ka dal para mediave dhe e ka quajtur 30 qershorin si moment historik për Shqipërinë. Rama falenderoi për mbështetjen SHBA-të, shtetet e BE-së. “Dita e re që po vjen e gjen Shqipërinë të çliruar nga makthi”, tha ai. Rama nga selia rozë tha se sot fitoi shpresa dhe qytetaria dhe humbi Shqipëria e djeshme pa din e as imam.
“Sot ishte 30 qershori i një Shqipërie që për shumë muaj përjetoi dramën e një përçarje të rëndë politike të frymëzuar dhe organizuar për të ndaluar ecjen tonë përpara në rrugën e normalitetit shoqëror dhe integrimin e popullit shqiptar në familjen e Evropës. Sot ishte dita e zgjedhjeve vendore të radhës që u kthye në ditëm kulmore të një përplasje historike mes të shkuarës dhe të ardhshmes, mes anti-shtetit dhe shtetit, mes politikës forcës dhe forcës së politikës, mes dhunës kërcënuese të së djeshme dhe shpresës së natyrshme të së nesërmes.
