Kryeministri Edi Rama e ka konsideruar kandidatin e PS për President, Bajram Begajn një njeri normal dhe të panagazhuar në përplasjet e arenës politike.
“Së bashku me pjesën tjetër të punës që u bë nga komisioni i posaçëm që zgjodhëm për të komunikuar me palët e tjera në Parlament apo hapur një kanal komunikimi me përfaqësues të shoqërisë civile në Kuvend na mundësuan që të arrijmë në një konkluzion që përmbush nevojën alarmante që ka ngrehina e shtetit për një njeri normal në zyrën e kreut të shtetit, aq edhe të paangazhuar në gjithë përplasjet apo rrugët që kryqëzohen në arenën politike, gjë që na bën të ndihemi të lehtësuar nga barra e përzgjedhjes, si forca dominuese që ka edhe përgjegjësinë dominuese për të udhëhequr jetën e vendit, po ashtu nga bën të ndihemi mirë më shqiptarët përtej hapësirave të kufizuara partiake sepse kandidatura e përzgjedhur prej nesh besojmë se rezonon me të gjithë atë pjesë të popullit tonë që jeton normalisht dhe që punon normalisht, që beson tek puna e merita, tek integriteti, respekti për njerëzit dhe dashuria për vendin. Këto janë tipare që karakterizojnë në përgjithësi figurat e FA, edhe shefin e shtatit të përgjithshëm që nga sot është ish dhe bëhet gati të jetë President i Republikës, nuk bën përjashtim.
Dua ta mbyll duke shprehur kënaqësinë për cilësinë dhe rendimentin e mbledhjes së djeshme sepse ndryshe nga çfarë parashikonte Sekretari i Përgjithshëm procesi i diskutimit ishte i hapur, s’pati kapërcim në proces dhe u morën në konsideratë të gjithë kandidaturat e mundshme.
Gjë që na sjell sot një kandidaturë dhe shmangu, atë që thonë deputetët nga Gjirokastra, ‘bolorinë e madhe” nëse emrat do kishin marrë rrugët nëse do kishin hyrë në dhëmbët e dhëmballët e analistëve, janë në situatë delikate sepse s’kanë ushqim për të futur në sherr dynjanë.”, u shpreh Rama.
