RENEA të bëhet gati! Në Dropull po përgatitet “Kaçifas 2”: Foto me armë dhe flamurin e Vorio-Epirit

Konstandin Kaçifa, minoritari nga fshati Bularat në Dropull i cili u v.ra nga RENEA në tetor të 2018-ës, pasi qëlloi me armë zjarri policinë lokale të Gjirokastrës, duket se ka nxitur të tjerë elementë ekstremistë në zonën e minoritetit. Historiani Arben Llalla ngre alarmin duke thënë se persona të tjerë të minoritetit grek në Shqipëri po përgatiten për sulme të ngjashme me armë si ngjarja e rëndë e Bularatit.

Në një përgjigje për ministrin e Jashtëm grek, historiani e akuzon atë se është shteti fqinj që financon të tillë persona për të kryer provokime ndaj shqiptarëve. Sipas Llallës, organizata terroriste MAVI, përgjegjëse për masakrën e Peshkëpisë në Gjirokastër ku 7 persona të armatosur hynë nga Greqia në territorin shqiptar në 10 prill të 1994-ës, dhe v.ranë në befasi ushtarin Arsen Gjini dhe kapitenin Fatmir Shehu, janë aktivizuar sërish. Për ta ilustruar edhe më fort pretendimin e tij, Llalla poston një foto në Facebook ku duket një person që ka fotografuar bluzën me mbishkrimin MAVI dhe një armë automatike mbi të.

Postimi i Arben Llallës në Facebook:

Ministri plotësues i Jashtëm i Greqise, Jorgos Katrougalos, rideklaron të njëjtën fjali prej kaq kohësh për marrëdhëniet greko-shqiptare që na janë ftohur pas vrashes së terroristit grekofon Kostandinos Kacifas. Ne i themi Jorgos Katrougalos se mund të kemi Kacifën 2, 3, e me radhë, sepse është Greqia dhe sigurimi grekë që nxit të rinjtë grekofon që të provokojnë Shqipërinë dhe shqiptarët.

I themi Ministri plotësues i Jashtëm i Greqise, Jorgos Katrougalos, se një tjetër i ri grekofon rreth 35 vjeç nga Dropulli po përgatitet psikologjikisht që të dali kamikaz si Kacifas, është edhe një tjetër rreth 65 vjeç grekofon që dëshiron fatin e Kacifas. Si do tja bëjmë tani për këta të çmendur dropullit që frymëzohen nga nazistët e Agimit të Artë?

Kjo bluze tregon riaktivizimin e organizatës terroriste greke MAVI. Personi dihet tashmë, nga çorapet…Greqia çfarë bënë për t’i ndalur këta grekofon të çemendur që vijnë tek shtëpia jonë shqiptare dhe kërkojnë t’na çnderojnë? Kacifas 2 është gati rreth 35 vjeç, por edhe RENEA duhet të jetë gati…