Rivaliteti midis Kristiano Ronaldos dhe Lionel Mesit ka më shumë se dhjetë vjet që dominon skenën futbollistike për lojtarin më të mirë në botë. Por pa shumë e shumë vitesh rivalitet, për herë të parë ndodh që Mesi është jashtë nominimit të treshes më të mirë. Dhe shkak bëhet fakti se argjentinasi nuk arriti të shkojë as në finalen e madhe të UEFA Champions League, ku u përballën Liverpuli dhe Reali i Madridit. Pikërisht ky fakt e ka “favorizuar” Ronaldon të jetë edhe këtë edicion kandidati kryesor për trofeun individual “Lojtari më i mirë i UEFA”-s. Ka qenë pikërisht UEFA ka publikuar listën me tre kandidatët finalë, që do të garojnë për t’u përzgjedhur lojtari më i mirë i sezonit futbollistik që sapo u mbyll. Çudia më e madhe është që mungon ylli argjentinas Lionel Mesi, ndërsa Kristiano Ronaldo, Luka Modriç dhe Muhamed Salah, do të jenë lojtarët që do të diskutojnë këtë trofe. Fituesi votohet nga një panel prej 80 trajnerësh, që kanë drejtuar skuadra në Champions dhe Europa League, si dhe 55 gazetarë, të propozuar nga federatat e anëtarësuara në UEFA. Fituesi do të shpallet më datë 30 gusht në Monako, ndërsa ajo që vërehet, është se të tre futbollistët pretendentë, janë pjesëmarrës në finalen e Ligës së Kampionëve në Kiev. Pra, më 30 gusht, UEFA do të shpallë fituesin e çmimit “Lojtari i vitit” për kompeticionet europiane të sezonit 2017-2018. Ka qenë një listë prej 10 lojtarësh të përzgjedhur për këtë çmim, por tashmë UEFA ka dominuar tre kandidatët kryesorë dhe përjashtim i i Lionel Mesit, për herë të parë në kaq vite, tregon se diçka është thyer me argjentinasin. Në Premier League luajti Mohamed Salah që shkëlqeu me Liverpulin dhe arriti të bëhet dhe bomberi më i mirë i kampionatit anglez me 31 finalizime, duke barazuar rekordin e legjendave. Ronaldo ishte shënuesi më i mirë në UEFA Champions League dhe fitues i trofeut të Champions League, kurse Modriç përveçse si fitues i Champions, ishte dhe finalist i Kupës së Botës në Rusi. Nuk dihet se sa vlerë ka kjo e fundit, por e matur në termat e suksesit, më shumë shanse ka Ronaldo si lojtar europian i vitit, pasi ky është një çmim që e jep UEFA dhe kompeticioni më i rëndësishëm i UEFA-s është padyshim Champions League. Kurse Kupa e Botës ku ishte finalist Modriç është kompeticion i FIFA-s dhe çmimi në fjalë nuk është i FIFA-s. E thënë ndryshe, Ronaldo e Salah janë favoritë por portugezi ka më shumë shanse që ta fitojë sërish këtë çmim individual të rëndësishëm. Lënia jashtë e Mesit, si lojtari më i mirë i vitit për UEFA-n, është një tjetër dëshmi se argjentinasi ka humbur peshën e tij të dikurshme në futbollin europian e botëror. Edhe pse Barcelona vijon të fitojë në Spanjë, ajo është larg suksesit në Champions League dhe që nga viti 2014 nuk po fiton asgjë. Duke mos fituar asgjë Barcelona mbetet “thatë” edhe Mesi, të cilit i duhet suksesi i ekipit që të arrijë te suksesi individual. Gjithsesi, askush nuk i vë në dyshim aftësitë e tij me topin. Kur ai luan në fushë futbolli është tërheqës.