Sot pritej që të diskutohej nen për nen Kodi Zgjedhor me ndryshimet dhe propozimet e maxhorancës, por opozita parlamentare ka bojkotuar mbledhjen.
Deputetja Rudina Hajdari që në nisje të mbledhjes së Komisionit tha se duhet anuluar për shkak të një emaili të Damian Gjiknurit i cili ka pranuar të marrë pjesë në mbledhjen e Këshillit Politik ditën e nesërme për të diskutuar draftin e opozitës jashtëparlamentare, ku propozon lista të hapura dhe mosprekje të koalicioneve.
Pas daljes nga seanca, Hajdari ka reaguar sërish nëpërmejt një postimi në Twitter duke treguar arsyen pse e bojkotuan Komisionin e Ligjeve sot.
‘Vendosem ta bojkotojme seancen e sotme sepse nuk shohim vullnet pozitiv nga maxhoranca per te realizuar ate reforme madhore per te cilen gezojme sot mbeshtetjen e shumices se shqiptareve, pra hapjen reale dhe 100% te listave.
Nese maxhoranca do te vazhdoje ne kete rruge, duke ardhur me drafte te cilat nuk synojne hapjen e listave por mashtrimin e shqiptareve, ne nuk do te behemi pjese e kesaj loje te shemtuar, le ta bejne vete.’-shkruan ajo.
