Nëse Sali Berisha ka prova, që Ilir Meta kur ishte kryeministër, ka inskenuar e urdhëruar Policinë dhe SHISH për vrasjen e vëllezërve Haklaj, SPAK duhet ta thërrasë Saliun, për të dëshmuar ato që di, por edhe Ilir Metën, të denoncuar “de facto” nga miku i tij “non grata”
Kallëzimi penal që dorëzoi në SPAK Aishe Haklaj për vrasjet në Tropojë, ka tmerruar Sali Berishën, të akuzuarin si nxitës, urdhërues dhe financues i 4 djemve të familjes Haklaj e shumë të tjerëve, gjersa zinxhiri i hakmarrjeve shkoi në 200 viktima.
Pas kësaj akuze, tashmë të regjistruar si çështje penale për hetim, Sali Berisha e ka mohuar përfshirjen në krimet e Tropojës, që nisën me ekzekutimin e Shkëlqim Haklajt më 4 janar 1998, duke tentuar të “lajë duart” e t’ia faturojë shefave të pushtetit të PS në ato vite.
Aq në panik është “non grata” nga ky kallëzim penal, sa gjatë intervistës televizive mbrëmjen e të mërkurës, tha se 4 vëllezërit Shkëlqim, Fatmir, Halil e Ylli Haklaj i ka vrarë shteti i asaj kohe, që i kishte pjesë të tij, duke përdorur policinë e SHISH-in t’i hiqte qafe.
Me apo pa djallëzi, Sali Berisha tenton të shpëtojë veten, duke akuzuar Ilir Metën, i cili në vitet 1998-2022 kur ndodhën vrasjet e Tropojës, ka qenë fuqi-plotë i pushtetit dhe shtetit, që kishte vartësi direkte e të vetme policinë dhe SHISH.
Sali Berisha tha: – “Haklajt i vrau shteti”, por shteti më
Ilir Meta gjatë kohës kur ishte Kryeministër
Në ato vite kur Tropoja u mbyt në gjak, të gjitha dëshmitë, regjistrimet audio-video, denoncimet dhe kallëzimi penal që ka bërë familja “Haklaj” në SPAK, shënjestrojnë vetëm Sali Berishën si porositës, urdhërues e financues të vrasjeve.
Edhe Ilir Meta është i përfshirë në vrasjet e Tropojës, por gjatë mitingut të 28 nëntorit 2000, kur policia me urdhër të tij vrau Syl Lushën e Hasan Dushin, ngaqë tentuan të merrnin peng Ilir Metën, i cili u ngujua për 8 orë në bodrumin e ish-Hotel-Turizmit “Valbona”.
Por nëse Sali Berisha, ka prova që Ilir Meta kur ishte kryeministër, ka inskenuar e urdhëruar Policinë dhe SHISH për vrasjen e vëllezërve Haklaj, SPAK duhet ta thërrasë Saliun, për të dëshmuar ato që di, por edhe Ilir Metën, të denoncuar “de facto” nga miku i tij “non grata”.
Së pari, sepse nëse në vrasjet e Haklajve ka dorë Ilir Metaj, atëherë Sali Berisha, me provat që thotë se i kanë vrarë shefat e shtetit, shpëton dhe pastron veten nga akuzat që i janë bërë e nga kallëzimi penal në SPAK.
Së dyti, Sali Berisha është i vetmi i kallëzuar nga familja Haklaj për urdhrat e vrasjes së 4 djemve të tyre Shkëlqim, Fatmir, Halil e Ylli Haklaj dhe nxitjen e hasmërive të tjera zinxhir mes familjesh e fisesh, por të gjithë me fije lidhëse te ai.
Gjersa është hapur hetimi për dosjen e vrasjeve në Tropojë, SPAK ka detyrimin ligjor e procedurial, ta përfshijë deklaratën publike të Sali Berishës në hetim./Pamfleti
