Aktori i njohur i “Terminator”-it, njëkohësisht ish-guvernatori i Kalifornisë, Arnold Schwarzenegger, ka kryer vaksinën kundër koronavirusit.
Ylli 73-vjeçar i Hollywood-it postoi një video në Twitter, ku ai shihet i ulur në karrige në një qendër vaksinimi në Los Angeles, në ”Dodgers Stadium”.
“Sot ishte një ditë e mirë. Unë kurrë nuk kam qenë kaq i lumtur të pres në radhë. Nëse kualifikoheni, bashkohuni me mua dhe regjistrohuni për të marrë vaksinën tuaj. Ejani me mua nëse doni të jetoni!”, shkroi ish-guvernatori i Kalifornisë në Twitter.
Schwarzenegger, një republikan, ishte guvernator i Kalifornisë nga 2003 deri në 2011.
