Ministrja e Marrëdhënieve me Parlamentin, Elisa Spiropali përmes rrjetit të saj social Facebook, ka publikuar një video ku shfaqet duke recituar vargjet e Fan Nolit.
Ajo ka marr shkas nga gafa e kryetares së LSI-së Monika Kryemadhi nga Vlora, ku u shpreh se poezinë “anës lumenjve” e ka shkruan Migjeni.
Gjatë recitimit të poezisë “anës lumenjve”, Spiropali ka thumbuar edhe kreun e PD, Lulzim Basha, ish-kreut të PD, Sali Berisha dhe presidentit Ilir Meta.
“Dhe një zë vëngon nga lumi, më buçet, më zgjon nga gjumi, se mileti po gatitet, se Luli lebetitet”, reciton Spiropali.
“Se pëlcet, kërcet furtuna, fryhet Vjosa, derdhet Buna, skuqet Semani dhe Drini, dridhet Sala edhe Liri”, shtoi ajo.
“Selam nga Fan Noli”, tha në fund Spiropali.
Më herët kryetarja e LSI-së, Monika Kryemadhi gjatë prezantimit të kandidatëve për deputet në qytetin e Vlorës, recitoi vargjet e njohura të Fan Nolit të poezisë “Anës lumenjve” duke ia vendosur autorësinë Migjenit.