Juristi Romeo Kara e shikon si të logjikshme lëvizjen e gjykatës sot me sekuestrimin e dy vilave të Monika Kryemadhit në Kodrën e Dieliit në Tiranë. Më tej ai shpërtheu ndaj tre partive kryesore në vend, ndërsa u shpreh se kanë uzurpuar jetën e shqiptarëve.
“Lëvizje logjike dhe ligjore bashkë. Duhet të ndjekim shembullin e Singaporit, bazuar në ligjin antimafia, bllokim pasurie. Korrupsioni është shoqëruara me sekuestrim. Jemi shoqëri e viktimizuar nga elita politike. Duhet të marri këtë përgjigje. Duhet të jetë më e shpejtë në të ardhmen dhe më e plotë. Nuk janë vetëm këta si familje, e shohim si një kapo bande.
I gjithë tarafi i tij, ministrat njerëzit në parti që i mban me para korrupsioni dhe trafiku. Janë pasuruar në mënyrë të paligjshme. Kjo bandë duhet të shoqërojë kryetarin në bangot e të akuzuarve. Të shkulet me rrënjë kjo e keqe. Pa lënë pas dore edhe partitë e tjera të mëdhaja. Kanë uzurpuar jetën tonë. Një forcë e madhe kriminale ende e lirë.
Është pushtet real. Këto para duhet të merren dhe ti kthehen popullit dhe do jetë e ardhur shumë e madhe. Janë miliarda euro që mungojnë. Ai e ka pranuar se brenda familjes nuk janë deklaruara një shumë e madhe, një numër objektesh. Është pranuar paligjshmëria e pronave”, tha juristi në Report TV.
Sa i përket deklarimeve të Kryemadhit për letërporositë nga Çekia se prokurorët e SPAK i kanë transformuar, Romeo Kara thotë se janë fake news.
”Këto lloj përralla u kujtua vonë zonja. Meta e ka thënë 1 vit më parë kur ishte në SPAK, unë për një vendim të paligjshëm të ERE-s akuzohem. Është i vetëdijshëm. Në dokumentat e SPAK, kur u bë arrestimi i parë, aty është e qartë me data të sakta, ka ikur në të njëjtën datë, orë dhe ka ardhur në të njëjtën datë me Ismailaj. Janë përpunuar nga i njëjti punonjës në sallën VIP në Rinas.
Fake News janë deklaratat e Kryemadhit. Të fshihesh pas gishtit, që nuk e pranojnë realitetin dhe do viktimizohen se po sulmohem për arsye politike, janë padituri. Dje ka folur sikur ishte në gjyq themeli jo për masë arresti. Do parë a mund të kundërshtonte vendimin e shkallës së parë për tu arrestuar. Ka 1 vit që intimidon, kërcënon edhe mund të ketë dashur të iki. E kanë parë të arsyeshme edhe ta arrestojnë me shpejtësi. Çdo person e kupton, si ka kërcënuar edhe vetë kryetarin e strukturës. Ky person ka intimiduar gjithë personat e përfshirë në proces”, shtoi ai.
