Ky vit është cilësuar si i zi për Shtetet e Bashkuara të Amerikës si pasojë e një sërë sulmesh me armë në shkolla, të cilat janë shoqëruar me disa të vdekur.
Mediat amerikane kanë publikuar një raport të frikshëm, ku numri i studentëve të vdekur gjatë këtyre sulmeve, e ka kaluar edhe atë të ushtarëve të rënë në luftë.
Konkretisht deri më tani janë shënuar rreth 29 nxënës të vdekur vetëm në vitin 2018, ndërkohë që ushtarakë janë vetëm 13.
Sakaq që nga muaji janar e deri më tani janë shënuar plot 16 sulme.
Autoritetet amerikane janë ngritur të gjitha në gadishmëri, ndërkohë që po planifikohet edhe një moratorium armësh.
Sulmi i fundit ishte ai i ditës së premte në një shkollë në Teksas, ku mbetën të vdekur 10 persona.
