Partia Demokratike është përfshirë nga tensionet dhe përçarjet, pas votimeve të fundit për Kryesinë e re. Një prej të revoltuarve është deputeti Myslim Murrizi, që ka reaguar pas vendimit të Ervin Salianjit për t’u tërhequr nga posti që mbante deri më tani në PD si Sekretar i grupit parlamentar demokrat (Lexo këtu). Salianji tha se tërhiqej nga postet në parti pasi numërimi i votave të anëtarëve të Këshillit Kombëtar e nxori atë jofitues për vetëm një votë, ndërsa shtoi se po vendoste një standard në këtë aspekt, në një kohë kur në vendin tonë dorëheqjet pas humbjeve janë koncept i panjohur.
Megjithatë, në mbështetje të Salianjit kanë dalë disa deputetë. Një prej tyre është deputeti i Lushnjes, Myslim Murrizi i cili “shpërthen” në akuza ndaj Bashës, ndërsa procesin e votimit në Këshillin Kombëtar e konsideron farsë. Ai thotë më tej se Kryesia e re e PD, por edhe drejtuesit e sekretariateve nuk e njohin partinë pasi e dinë atë si konferencat e shtypit apo hotelet luksoze të Tiranës, pa u përballur asnjë ditë të vetme me elektoratin apo terrenin.
Postimi i deputetit Myslim Murrizi
I Nderuar Miku dhe Kolegu im. Nuk besoj qe te ka munguar mbeshtetja nga DEMOKRATET apo ke qene zyrtaruc kolltuqesh deri tani, perkundrazi ke qene njeri aksioni dhe terreni, politikan i ri por masovik klasil, e ndoshta kjo te ka prishur pune dhe te ka numeruar si jo fitues. Po te shohesh “ fituesit” jane te gjithe ato qe nuk i kane dhene doren nje njeriu dhe zyrtaruc intrigant qe mendojne si te bejne ligjin qe te mos perballen kurre me qytetaret.
Bile u habita shume se aq vota sa na u thane se kane mare nga keshilli disa “fitues” nuk i kane mare as ne zone elektorale kur kane kaniduar si deputet nga pdr dhe nuk i marin kurre po te kanidojne ne sistem mazhoritar apo me lista te hapura. Kryesia eshte “ zgjedhur” nga radhet e administrates se pd dhe individe qe e dine partine vetem konference shtypi dhe Shqiperine nga hotel Tirana tek rogneri.
Qarku i Fierit eshte i vetmi qark qe ka mare 2300 vota me shume ne 2017 sesa ne 2013 dhe eshte qarku i dyte ne vend ka vetem nje kanidat ne listen prej 50 kanidatesh. Berati Vlora, Korça, Lezha, Gjirokastra nuk kane asnje antare kryesie. Shpresoj qe kjo risi e madhe qe u be ne kete keshill kombetare qe emrat e kanidateve u publikuan 19 ore para votimit dhe jo siç ka ndodhur prej 28 vitesh qe shpalleshin vetem 16 ore para, te sjelle fryme tek DEMOKRATET.
