Ish-ministri i Financave, Arben Ahmetaj, ka folur në lidhje për situatën brenda Partsisë Socialiste e cila është vetëm pak ditë larg çeljes së fushatës zgjedhore.
Ahmetja ka përgënjeshtruar zërat se mes tij dhe Taulant Ballës ka pasur debate. Ish-ministri shprehet se ngritje tonesh ka çdo ditë, por theksoi se mes tyre nuk mund të ketë konflikte për shkak të miqësisë së tyre personale.
Ahmetaj tha në “Abcnews”:
“Unë të zihem me Ballën është e pamundur edhe për arsyet e miqësisë personale që kemi, por edhe për arsye të vjetërsisë në institucione që kemi është e pamundur.
Debate pune me Taulantin çdo ditë bëjmë. Por në historinë e PS-së, unë dhe Taulanti kemi shumë vite aty siç ka Erion Braçe, siç ka Damiani, siç ka Ditmir, siç ka Niko, siç ka Pandi, siç ka Gramozi dhe debatet midis nesh kanë qenë të shumta për çështje, debate për ligje, debate për fiskun.
I bie që me Braçen mos të flas fare se kemi bërë debate pafund për fiskun. I bie që me Damianin mos të flas fare se kemi bërë debate për energjinë pafund.
Situata brenda PS-së mezi presim zgjedhjet e 30 Qershorit. Po bëjmë fushatë modeste, për respekt të qytetarëve që nuk do kenë mundësi të votojnë për shkak se opozita nuk do i lerë në respekt të tyre.
Po bëjmë një fushatë modeste në respekt të situatës për të mos provokuar askënd, por themi që ne po bëjmë një grass-rout.
Po bëjmë një fushatë si milingonat, aty tek fijet e barit, në respekt të qetësisë së vendit, por edhe se nuk kemi kundërshtar. Qëllimi jonë është i trefishtë. E para dhe mbi të gjitha janë standardet”.
