Këshilli i Lartë Gjyqësor ka rrëzuar kërkesën e presidentin Ilir Meta për shkarkimin e Ardian Dvoranit, nga kreu i KED, me pretendimin se i ka mbaruar mandati.
KLGJ me shumicë votash vendosi t’i kalojë Dvoranit dokumentacionin e emërimit në detyrë të tre anëtarëve të rinj të Gjykatës së Lartë, duke i dhënë kështu më shumë kohë.
Po ashtu anëtari i KLGJ-së Erjon Muharremaj propozoi që të kërkohet opinion tek partnerët tanë ndërkombëtarë. Ky propozim u miratua me shumicë votash nga anëtarët e tjerë.
Kujtojmë se Meta me anë të një letre dërguar Këshilit të Lartë Gjyqësor dhe Gjykatës së Lartë, ka kërkuar që Dvorani s’mund të jetë më anëtar i GJL as kreu i KED pasi i ka mbaruar mandati prej 2014.
Nga ana tjetër Dvorani në dëshminë e tij tha se presidenti duhet të jetë më i përmbajtur ndërsa shtoi se nuk ka kompetencë të kërkojë largimin e tij nga detyra.
Kryetarja e Këshillit të Lartë Gjyqësor Naureda Llagami pohoi se ky institucion i ka marrë në dispozicion shpjegimet e Dvoranit. Ndërkohë, Erjon Muharremi tha se për çështjen në fjalë, kërkohet mendim dhe nga partnerët.