Pas procedimit penalisht të Edmond Tupes nga policia, ka pasur shumë reagime nga figura të njohura, ndër të fundit është dhe djali i ish-kryeministrit Sali Berisha, Shkëlzen Berisha.
Shkëlzen Berisha ka sulmuar kryeministrin Edi Rama, teksa shprehet se askush nuk procedon askënd për vjedhjen 30 mln euro të skandalit të kompanisë DH Albania, e cila me dokumenta të rreme fitoi tenderin e Unazës së Re 18 mln euro dhe tenderin nga OST 11 mln euro.
“Rama ndjek penalisht profesor Tupen për protestën por askënd për vjedhjen e 30 mln euro”, shkruan Berisha.
Ditën e sotme u proceduan penalisht 25 persona, mes tyre Edmond Tupe dhe Robert Aliaj, për faktin se kishin marrë pjesë në një protestë të jashtëligjshme.
Nderkohe qe Shkelzen Berisha ishte pronari i biznesit te vdekjes ne Gerdec, ku nga shperthimi i municioneve humben jeten 26 te pafajshem dhe u plagosen mbi 300 te tjere.
Njeheresh, djali i ish kryeministrit eshte nen hetim dhe per aferen e CEZ, ku shteti shqiptar humbi mbi 450 milione euro dhe ku sekseri i familjes Berisha, Nue Kalaj mori 7 milione euro me nje dore ne nje banke te nivelit te dyte.
