Sali Berisha dhe Ilir Meta e kishin pompuar fort protestën e 12 nëntorit.
Ata kishin premtuar madje, se mund të merrnin edhe Kryeministrinë.
Deklaratë kjo e bërë nga një prej njerëzve më të rëndësishëm në partinë e Sali Berishës, Edi Paloka.
Por edhe këtë herë, Ramën do e rrëzojnë herën tjetër.
Në protestën e së shtunës, pas fjalimeve të disa personazheve në masë të çuditshëm, në podium u ngjit Ilir Meta, që u duk qartë që nuk ngjalli ndonjë entuziasëm të madh tek të pranishmit.
Pavarësisht afrisë me Berishën, edhe ata që e ndjekin këtë të fundit, duket se e kanë të vështirë ta pranojnë Metën, njeriun që i rrëzoi nga pushteti, pas “aleancës së qelbësirave” me Edi Ramën.
Ndërsa Berisha, në fjalimin e tij, përveç premtimeve se nuk do të ketë stabilitet, nuk premtoi asgjë që do të ngjallte shpresë tek shqiptarët, të cilëve mund t’iu prishej mëndja edhe njëherë, nëse ai do t’iu bënte ndonjë ofertë serioze.
Ndaj edhe sapo mbaruan fjalimet, Berisha me Metën nxituan të ikin në shtëpi.
Sepse e dinë që nuk kanë se çfarë ofrojnë për shqiptarët, përveç problemeve të tyre personale.
Prandaj, duket se tashmë do të përsëritet gjithnjë edhe më shumë, fjalia që e tha edhe Meta, se Ramën do e rrëzojnë në protestat e tjera.
Po iu dolën njerëzit, kuptohet.
