Nëse Ilir Meta i ka futur vetë duart në paratë dhe pasuritë publike për 30 vite më radhë, në mënyrë të paskrupullt, si ndonjë një kambist te ‘Dollari’, Berisha ka përdoruar duart e dy fëmijëve dhe dhëndrit zëhollë, mjedisorit me 20 kulla.
Shkruan Adriatik Doci
Është e vërtetë që Sali Berisha nuk ka futur asnjë lekë në xhepin e tij të jashtëm. Lekët tona i ka futur në xhepin e Shkëlzenit, Argitës dhe Abit, që janë xhepat e tij të brendshëm.
Nëse Ilir Meta i ka futur vetë duart në paratë dhe pasuritë publike për 30 vite më radhë, në mënyrë të paskrupullt, si ndonjë një kambist te ‘Dollari’, Berisha ka përdoruar duart e dy fëmijëve dhe dhëndrit zëhollë, mjedisorit me 20 kulla.
Si ka vjedhur Berisha?
Një biznesmen, klient, spekullant apo investitor i huaj, i cili kërkonte të mbaronte punë te Berisha kryeministër, duhej të kalonte te tre xhepat e tij të brendshëm. Ndryshe…
Ai duhej të sajonte një kontratë për t’u dhënë para Argitës, Shkëlzenit dhe Abit, si konsulentë, sekserë apo shitës. Dhe tarifat e pazarit ishin qindra milionëshe.
Pasi ‘votonte’ tek treshja e brendshme, Berisha i mbaronte punë, duke i firmosur lejen, licencën, zgjerimin e parkut, tenderin, koncesionin, privatizimin etj.
Rastet i keni të dokumentuara tek Report Tv. Shkruani fjalën kyçe “investigimi Familja Berisha” ose “aferat e Familjes Berisha”, ‘ish Klubi Partizani’, ‘Fazlliçi’ etj.
Faktet tregojnë se Sali Berisha, përpos ikonë e shkatërrimit të Shqipërisë, është koka mbi kokat e korrupsionit, mashtrimit banal dhe sigurisht i krimit në Shqipëri.
Sorosi dhe teoritë komplotiste janë mufkat e tij për të mbajtur fort PD-në për qafe gjatë fundosjes përfundimtare pas bombardimit amerikan. (Mirënjohje përjetë SHBA-ve)
Ndërsa Lulzim Basha është një çirak i Familjes Berisha. Ai nuk ha bar, por vetëm lekë!
