Efthymiou Efthymious, 41 vjeç, nga Arta në Greqi, dyshohet të jetë vrasësi me pagesë i Devi Kasmit, 42 vjecarit shqiptar që humbi jetën 3 ditë më parë në Tiranë
Grupi kriminal, organizatori dhe personat që e ndihmuan grekun për të siguruar mjetet e nevojshme për ekzekutimin, u zbuluan nga policia e Tiranës.
Por teksa ka mjaft foto në rrjetin social Facebook, ku shfaq pasionet e tij për gjuetinë, sportin dhe jetën e natës, greku Efthymious, ka edhe një foto që deri diku i tall shqiptarët.
Ai e ka postuar atë në gusht të vitit 2016.
Bëhet fjalë për universitetin privat “Albanian University”, që më parë e ka pasur emrin “UFO”.
Por në godinë kanë mbetur të dyja reklamat.
Pra edhe “Universiteti shqiptar” edhe “UFO”. Vrasësi grek bën një lidhje mes të dyjave, duke shkruar: “Kjo shpjegon gjithçka”.
Pra rrjedhimisht sipas tij shqiptarët janë ufo.
Policia e kryeqytetit e identifikoi dhe arrestoi sot 41 vjeçarin.
Efthymiou Efthymious, 41 vjeç, ka qenë pjesëtari i Forcave Speciale Greke, por u përjashtua pasi u përfshi në trafik të drogës.
Policia e Tiranës arrestoi edhe tre persona që e kanë ndihmuar në krim, siç është sigurimi i mjeteve të nevojshme për ekzekutimin, si dhe arratisjen.
Ndërsa organizatori është shpallur në kërkim.
