Një skandal ka përfshirë Aeroportin Ndërkombëtar të Rinasit, pasi qytetarët denoncojnë se ju grabiten valixhet. Lidhur me grabitjet e valixheve me para të udhëtarëve, policia ka bërë edhe një kërkesë ndaj kompanive ajrore dhe për vendosjen e kamerave të sigurisë.
Ajo kërkon që të monitorohen kamerat dhe të bëhet e mundur futja e valixheve në kontenierë për të shmangur kontaktin me punonjësit e ngarkim-shkarkimit. Punonjëst të cilët merret me ngarkimin dhe shkarkimin e bagazheve janë të TIA-s.
Qytetarët kanë bërë denoncime për vjedhje të sendeve të tyre në bagazhe. Pranë policisë janë bërë një numër i konsideruar kallëzimesh për humbjen e tableteve, celularëve dhe sendeve të tjera me vlerë.
Për sa i përket valixheve të humbura ka një dëmshpërblim nga kompania ajrore por kur ato konstatohen të vjedhura, duhet fillimisht të bëhet një hetim për të gjetur përgjegjësin për vjedhjen e kryer.
Lidhur me kërtë fakt kompania e sigurisë së aeroportit nuk ka marrë masa duke mos iu përgjigjur kërkesës së policisë. Shkresa e policisë është dërguar që në datën 13 korrik.
Për sigurinë në aeroportin e Rinasit, është përgjegjëse TIA, kompania kineze e sigurisë. Në datë 9 prill siguria në këtë aeroport u cënua rëndë pas grabitjes ku u morën miliona Euro për rreth 4 minuta.
