Kryetarja në largim e Bashkisë Shkodër, Voltana Ademi, është proceduar penalisht pasi akuzohet për veprën penale të “Pengimi i zgjedhësit”, duke ushtruar funksionin dhe autoritetin e saj si kryetare e Bashkisë Shkodër, ka urdhëruar me shkrim punonjësit e kësaj bashkie të mbyllin disa Qendra Votimi (shkolla), të cilat administrohen në pronësi të Bashkisë Shkodër, konkretisht 53 Qendrat e Votimit.
Mesditën e sotme, Ademi e cila rrezikon b.urgun, ka dal në konferencë për shtyp ku ka pranuar se ka mbajtur të “izoluar” (në punë) të gjithë punonjësit e Bashkisë këtë të diel, bazuar në dekretin e parë të Presidentit Ilir Meta për anullimin e datës së zgjedhjeve dhe dekretit të dytë për ndryshimin e kësaj date më 13 tetor.
Praktikisht punonjësit e bashkisë nuk janë lënë të lirë të votojnë dhe ky është një skandal i radhës i kësaj bashkiake, gjesti i turpshëm i të cilës e rrezikon sërish penalisht, pasi ka penguar zgjedhësit të votojnë, një e drejtë Kushtetuese që i takon gjithësecilit prej tyre. Me ngritjen e Gjykatës Kushtetuese dhe rrëzimin e dekretit nul të parë apo të dytë të Presidentit, ky urdhër i Voltana Ademit do të kaloj në gjykatë, ky ligji parashikon dënim me b.urg nga 2-5 vjet.
Ademi pohoi sot se: “Nuk habitem aspak nga procedimi për të cilin u njoha vetëm përmes medias. Pasi u njoha për vendimin politik dua të deklaroj se si kryetare e bashkisë së Shkodrës nuk kam shkelur asnjë ligj. Bashkia ka zbatuar vetëm Kushtetutën dhe dekretin e Presidentit të Republikës. Procedimi penal ndaj meje është një vendim politik i Edi Ramës. Ai kërkon të bëjë zgjedhje moniste”, u shpreh Ademi.
