Ish-kryeparlamentarja Jozefina Topalli nëpërmjet një postimi në rrjetet sociale ka reaguar për situatën ku ndodhet vendi si pasojë e koronavirusit.
Topalli shkruan se 3-4 vetë kanë marrë peng vendin dhe luajnë teatër me dhimbjen e njerëzve.
Reagimi i Topallit ka ardhur pas publikimit të një sondazhi, sipas të cilit, 76% e familjeve raportojnë se nuk përmbushin aspak ose pjesërisht nevojat për ushqim gjatë pandemisë COVID-19.
Ndërkohë, 68% e të intervistuarve u shprehën të shqetësuar se në të ardhmen e afërt situata e krijuar nga pandemia Covid-19 do të ndikojë në punësimin apo vetëpunësimin e tyre.
Postimi nga Jozefina Topalli
Të dhënat e trishta/ 76% e familjeve shqiptare thonë se nuk përmbushin nevojat për ushqim gjatë krizës së koronavirusit.
“76% e familjeve raportojnë se nuk përmbushin aspak ose pjesërisht nevojat për ushqim gjatë pandemisë COVID-19.
68% e të intervistuarve u shprehën të shqetësuar se në të ardhmen e afërt situata e krijuar nga pandemia Covid-19 do të ndikojë në punësimin apo vetëpunësimin e tyre. Ndërkohë përqindja e familjeve që raportojnë papunësi për shkak të kësaj situate është rritur me 10%.”
