Presidenti i SHBA-ve, Donald Trump ka shkarkuar nga detyra kyetarin e shefit të Shtabit të Përbashkët, CQ Brown, oficerin më të lartë në vend, si pjesë e një ndryshimi të madh të lidershipit të lartë ushtarak.
“Dua të falënderoj gjeneralin Charles ‘CQ’ Brown për shërbimin e tij mbi 40 vjet në vendin tonë”, postoi Trump në rrjetet sociale.
Ai tha se pesë oficerë të tjerë të lartë po zëvendësoheshin gjithashtu.
Gjenerali Brown ishte oficeri i dytë me ngjyrë që mbajti këtë post, mbajtësi i të cilit këshillon presidentin dhe sekretarin e Mbrojtjes për sigurinë kombëtare.
Sekretari amerikan i Mbrojtjes Pete Hegseth kishte thënë më parë se gjenerali Brown duhet të shkarkohet për shkak të fokusit të tij “woke” në diversitetin, barazinë dhe programet e gjithëpërfshirjes në ushtri.
Më vonë, Hegseth njoftoi shkarkimin e dy oficerëve të lartë të tjerë: shefit të Operacioneve Detare Adm Lisa Franchetti dhe zëvendës shefit të Shtabit të Forcave Ajrore Gjeneral Jim Slife.
Adm Franchetti ishte gruaja e parë që drejtoi Marinën amerikane.
Të tre oficerët e lartë të hequr të premten u emëruan nga paraardhësi i Trump, Joe Biden.
Hegseth tha në një deklaratë: “Nën presidentin Trump, ne po vendosim udhëheqje të re që do të përqendrojë ushtrinë tonë në misionin e saj kryesor të parandalimit, luftimit dhe fitimit të luftërave”.
Trump tha se do të emëronte gjeneralin e Forcave Ajrore Dan Caine – një pilot karriere F-16 i cili së fundmi shërbeu si drejtor i asociuar i CIA-s për çështjet ushtarake – si kryetarin e ri të shefave të përbashkët të shtabit.
