Presidenti i SHBA-ve Donald Trump u shpreh se ka autorizuar deklasifikimin dhe bërjen publike të “të gjitha” dokumenteve në lidhje me teorinë e konspiracionit “Russiagate” dhe skandalin e postës elektronike të Hillary Clinton.
“Unë kam autorizuar deklasifikimin e plotë të të gjitha dokumenteve që kanë të bëjnë me K.RIMIN e vetëm politik më të madh në Historinë Amerikane, Russiagate”, tha presidenti në një postim të martën në mbrëmje.
Ai më pas shton: “Po kështu, dhe për skandalin e Email-eve të Hillary Clinton. Asnjë redaktim!”.
Trump tha se ai i kishte deklasifikuar të gjitha informacionet për çështjen e ndërhyrjes së rusëve në zgjedhjet presidenciale të vitit 2016 “shumë kohë më parë”, por u ankua që personeli i tij “ka vepruar shumë ngadalë” për të nxjerrë një material të ri.
Siç shkruan RT, ky njoftim erdhi disa orë pasi Drejtori i Inteligjencës Kombëtare John Ratcliffe autorizoi bërjen publike të një numri dokumentesh të lidhura me skandalin e bashkëpunimit Trump-Rusi.
Këtu përfshihen shënime të shkruara me dorë nga ish-Drejtori i CIA-s John Brennan, i cili shërbeu gjatë gjysmës së dytë të administratës së ish-presidentit Barak Obama.
Shënimet e deklasifikuara sugjerojnë që Brennan e kishte informuar Obamën mbi një “plan” që kishte kandidatja presidenciale e atëhershme demokrate Hillary Clinton për të njollosur imazhin e Trump-it me akuzat e “bashkëpunimit rus”.
Ajo synonte ta përdorte këtë dhe si një mjet për të “shpërqendruar publikun nga përdorimi i saj i një emaili privat” përpara zgjedhjeve të vitit 2016.
Ratcliffe fillimisht i klasifikoi shënimet – si dhe një memo të CIA-s së vitit 2016 drejtuar drejtorit të atëhershëm të FBI-së James Comey, dhe një vlerësim të inteligjencës ruse të marrë nga agjensitë amerikane – në fund të shtatorit.
Të tre dokumentet u përmendën nga Ratcliffe në një letër drejtuar Kryetares së Komitetit të Drejtësisë të Senatit, Lindsey Graham.
Ato treguan se Clinton kishte punuar për të sajuar skandalin Russiagate në mënyrë që të shante rivalin e saj dhe të shmangte mbulimin negativ të medias. Por asnjë prej këtyre dokumenteve nuk u la në dispozicion për një publik më të gjerë në atë kohë.
Analisti ligjor i Fox News, Gregg Jarrett, ka reaguar pas njoftimit të Presidentit Trump dhe e ka quajtur këtë vendim si një lajm të keq për Hillary Clinton.
“Kjo tregon sesa e pamoralshme, e paskrupullt, devijuese dhe e korruptuar ishte Hillary Clinton,” tha Jarrett.
Jarrett tha se Klinton mund të ketë kryer një k.rim në shpërndarjen e informacionit të rremë, në varësi “si u zbulua informacioni dhe kujt.”
“Shpresoj që deklasifikimi dhe bërja publike e të gjithë dokumentave nga ana e presidentit të hedhin dritë mbi këtë sepse kjo duket të jetë një komplot k.riminal,” tha Gregg Jarrett.
Ish menaxheri i fushatës së Trump, Corey Lewandowski, pyeti se kur ish zyrtarët e lartë të sigurisë kombëtare në administratën e Obamës do të mbanin përgjegjës.
“Kur ish-drejtori i FBI-së James Comey dhe ish-drejtori i inteligjencës kombëtare James Clapper dhe Brennan, ata që përjetësuan k.rimin më të madh në historinë amerikane, do të mbajnë përgjegjësi?” tha ai.