Aktori dhe regjisori i njohur, Gjergj Mena, ka ndërruar jetë në moshën 41-vjeçare. Lajmi ka trishtuar familjarët, miqtë dhe kolegët e tij, të cilët kanë shprehur ngushëllimet në rrjetet sociale.
Aktorja Algiona Aga, ka postuar në profilin e saj në “Instagram” ku shfaqet me Gjergjin dhe krahas shkruan disa fjalë prekëse.
“Ku t’i gjej fjalët për ty, Gjergji im… shoku im… miku im… vëllai im… njeriu im… familja ime… shpatulla ime.
Mirënjohëse përjetë që të pata në jetën time. Do t’i lutem Zotit që shpirtrat tanë të takohen sërish, Gjergji im…
Të dua përtej jetës”, ka shkruar aktorja në “Instagram”.