PD, natyrisht që nuk mund të rrijë pa “vajtuar” për shkarkimin e prokurorit Besim Hajdarmataj, sepse me sa duket, janë tmerrësisht të frikësuar, se në krye të organit të akuzës, po vendosen njerëz me një besueshmëri të lartë, e në rastin konkret znj. Donika Prela, zëvendësuesja e Besimit të pabesueshëm, por shumë “të dashur” për opozitën.
Besimi i opozitës, ishte i dashur për shumë krime, që as nuk i ka parë si krime, duke filluar nga hetimi i zyrtarëve të lartë dhe kërkesat qesharake të dënimeve të kolegëve të tij për korrupsion dhe vepra të tjera të rënda penale, ku dosjet natyrisht firmoseshin nga kreu i Prokurorisë së Krimeve të Rënda. Një arsye tjetër, që duhet të largohet është dhe hetimi i dosjes së Adriatik Llallës, si ish miku i tij, i cili e ka promovuar dhe emëruar Hajdarmataj aty.
Besimi i opozitës është i famshëm për shërbimet e tij, ku përpos akuzave që rëndojnë mbi të dhe stafin e tij, kreu një tjetër vepër penale, në rastin e Vladimir Marës, duke i dërguar Sali Berishës fotografi nga aksioni i Babicës, si prokurori digjital, duke vënë në rrezik aksionin por dhe jetën e policëve që morën pjesë. Besimi si i pabesë e mohoi një gjë të tillë, por edhe “gomari ” e di, se në të tilla aksione, vetëm prokurori që drejton aksionin mund të mbaj telefon.
Besimi i opozitës, u shkarkua dhe si i dyshuari kryesor për mbylljen e hetimit të para disa vitesh të çështjes së kokainës, të ardhur në emrin e kompanisë së Arbër Çekajt (Kuliçi), kushuririt të Agron Kuliçit, të arrestuar së fundmi për trafik ndërkombëtar të lëndëve narkotike.
Besimi i opozitës, u kap në një rast flagrant që tregon paaftësinë totale të profesionalizmit të tij, kur mbylli me nxitim aksionin për kapjen e 613 kg kokainë, në Maminas, po në emër të Arbër Çekaj, që akoma nuk u dihet i zoti dhe janë bërë “koka turku” një shofer dhe një menaxher, që as nuk e kanë idenë, se përse janë ndaluar.
Vërtet nuk ka prokuror tjetër si Besim Hajdarmataj, që mund të hetojnë çështjen Tahiri dhe ky na qenka “drejtësia”, apo po u ikën kamikazi i dyshimtë që do mbyll zhurmën e “bombave”, që do vijnë pas hapjes së dosjes “Hajdarit” dhe rigjykimit të Izet Haxhisë?!
Përgjigjjen e merrni nga “kuja” e Palokës:
Çështja “u zgjidh”! Prokurori i Krimeve të Rënda, që gjashtë muaj më parë kërkoi arrestimin e Tahirit, sot, sipas mediave, është shkarkuar.
Gjashtë muaj më parë u sulmuan e kërcënuan nga kazani dhe deputetët e Ramës. I sulmuan si “tropojanë” dhe i kërcënuan publikisht me vettingun. Sot, ka ardhur akti i fundit!
Gjithçka e paralajmëruar nga PD po vërtetohet, pikë për pikë. Rama kapi prokurorinë, pikërisht për të shpëtuar Tahirin dhe kokën e tij.
Vettingu nuk po përdoret për të pastruar drejtësinë, por si mjet presioni ndaj prokurorëve dhe gjyqtarëve.
Ky eshte fundi…!/Tellalli
