Duke e cilësuar veten gjithmonë si shpirti dhe gjeneratori i shpresës së të rinjve, duke iu dhënë dhe premtuar hapësirat e nevojshme në partinë e LSI-së, padyshim që Monika Kryemadhi me vendimin e fundit që ka marrë, nxori zbuluar qëllimet e vërteta.
Kryetarja e LSI Monika Kryemadhi ka pranuar mandatin e Fierit duke djegur kështu Kejdi Mehmetjan e cila ishte renditur e dyta në listën e Fierit, ku LSI mori vetëm një mandat.
Kështu Kryemadhi i ka dhënë mundësinë të futet në Kuvend nënkryetarit të LSI Petrit Vasili i cili ishte në listën e Tiranës.
Ky rast mjafton për të treguar se për dyshen Meta-Kryemadhi, të rinjtë janë thjesht numër votash që e shumta mund t’i gënjesh me një xhiro në Jalë.
Vasili do jetë deputeti më i pavotuar i Parlamentit.
Mediat deri tani kanë raportuar Vangjel Dulen me 850 vota, por askush nuk ka parë më vëmendje sa vota ka Petrit Vasili.
Nënkryetari i LSI-së ka vetëm 362 vota dhe kandidoi i treti në listën e LSI-së në Tiranë
Kujtojmë se në zgjedhjet e parlamentare të 25 prillit 2021, Lëvizja Socialiste për Integrim, u zhbë si faktor politik që mund të diktojë krijimin e shumicave parlamentare në Shqipëri, duke u fshirë nga harta elektorale në 9 qarqe të vendit.
