Një përplasje verbale është regjistruar mes deputetit të Partisë Demokratike, Enno Bozdo, dhe një gazetari, pak pasi Policia ndërhyri pranë selisë së PD-së për të shoqëruar disa persona të maskuar që, sipas pamjeve, ishin futur brenda godinës.
Deputetët demokratë kishin mohuar se në seli ndodheshin persona të panjohur, ndërsa gazetari i kërkoi Bozdos të komentonte pamjet që tregonin të maskuar pranë godinës. Në vend të një sqarimi, Bozdo reagoi me nervozizëm dhe përdori gjuhë fyese ndaj gazetarit.
“Çfarë do të thotë ajo foto?”, dëgjohet fillimisht të thotë deputeti, përpara se t’i drejtohet gazetarit me shprehjen: “Ato foto futi…”, duke e ndërprerë më pas me tone të larta.
Incidenti e zhvendosi vëmendjen nga pretendimet e PD-së për ndërhyrjen e Policisë te sjellja e vetë deputetit përballë një pyetjeje gazetareske dhe një prove vizuale që i kërkohej të komentonte.
