E ftuar mbrëmë në studion e “Open”, Monika Kryemadhi ka deklaruar se është kërcënuar në rrjetet sociale. Kryetarja e LSI u shpreh ndër të tjera se për t’i mbrojtur fëmijët nga këto mesazhe në facebook ajo i kishte dërguar jashtë shtetit.
Në deklaratat e saj Kryemadhi duke treguar mungesë të thellë të argumentave politike për të përballuar panelin e debatit krijoji momente melodramatike për të të tërhequr vëmendjen e audiencës si dhe për të fshehur përgjigjet evazive që pasonin pyetjet e gazetarëve.
Por momentet emocionale të krijuara nga Kryemadhi për viktimizim para opinionit, ju kthyen asaj ‘boomerang’, nga një koment i vetëm.
“A te vjen turp nga vetja kur shikon femijet e tu qe hane buken qe ti dikujt ja ke vjdhur.“
Ky koment i bërë nga një fanse në rrjetet sociale, krahas video së Monikës ka tërhequr vëmendje maksimale, i ndjekur më pas nga një ineraktivitet masiv mes fansave: plot 656 ‘Like’ dhe me qindra komente në mbështetje të qytetares.
“Je shtriga me e madhe e ketij shekulli idjotesia jote per te hedh hi syve shqiptarve eshte e turpshme se si do te justifikosh milhardat qe ke vjedh dhe qe femijet I dergon per studime jasht shtetit”-shkruan dikush tjetër.
Mesa duket Kryemadhi nuk ka arritur ta përcjellë siç duhet mesazhin e asaj përballë audiencës duke i dhuruar vetes revoltën dhe mosbesimin e opinionit kundrejt retorikës dhe asaj që ajo si politikane përfaqëson.
Nga ana tjetër, Presidenti Ilir Meta i ftuar në një tjetër studio televizive, është shprehur se nuk është në dijeni të atyre që e shoqja kishte thënë në lidhje me kërcënimet në facbook ndaj fëmijëve.
