Deputetja e PL-së, Monika Kryemadhi ka deklaruar se nuk do të japë më deklarata para prokurorëve, duke u shprehur se do të flasë vetëm në Gjykatë.
Kryemadhi u shpreh se ka firmosur procesverbalin, ndërsa theksoi se në SPAK nuk pranoi të përgjigjej për asgjë.
Deputetja theksoi se mori vendimin për shkak se “deklaratat e mia po përdoren kundër meje”.
“Nuk u pyeta për gjë, sepse nuk pranova të përgjigjem për asgjë. Të gjitha deklarata e mia do të vazhdohen në gjykatë.
Tashmë, unë nuk flas më para prokurorëve por në gjykatë. Firmosa edhe procesverbalin.
Deklarata e mia nuk bëhen më në Prokurori, vetëm në gjykatë. Para gjyqtarit, nuk jap më shpjegim për asgjë sepse ka të bëjë me që ti të përdorësh deklarata e mia kundër meje”, tha ajo.
