Rei Manaj ka luajtur për 90 minuta në humbjen e Spezias me shifrat 0-3 ndaj Napolit. Sulmuesi shqiptar është vlerësuar në pjesën më të madhe të ndeshjeve të këtij sezoni me notën më të lartë.
Më veçanërisht për mbështetjen që i jep shokëve të ekipit dhe për të vendosur në vështirësi mbrojtjen kundërshtare, por i mungon dukshëm aftësia në konkretizim.
Nuk shpjegohet ndryshe fakti se në pjesën më të madhe të rasteve, Manajt i duhet një penallti për të shënuar. Në ditën e sotme, Rei arriti të tundte rrjetën në minutën e 41 me kokë pasi gjendej në zonë i pambuluar, ndërsa do të akordohej pozicion jashtë loje. Në minutën e 86 do të vinte edhe rasti i fundit i takimit, ku Manaj ishte përballë portierit dhe goditi traversën.
