Sipas protokollit dhe axhendës gjatë vizitës zyrtare në Gjermani kryeministri Edi Rama ka zhvilluar një takim me Kryetaren e Bashkisë së Berlinit Franziska Giffey.
Mësohet se në dalje të godinës së bashkisë Rama është pritur nga një qytetar gjerman i cili i kërkon autograf.
Kryeministri Rama dhe delegacioni që e shoqëron po zhvillojnë gjatë ditës së sotme një sërë takimesh të rëndësishme, si dhe vizita në mjediset e disa prej kompanive të mirënjohura në Europë. Ai u takua me Kryetaren e Bashkisë së Berlinit Franziska Giffey, në zyrën e saj në Bashki, në godinën më shumë se 100 vjeçare, pjesë e Gjermanisë Lindore, ku ka qenë edhe vendndodhja e bashkisë së mëparshme të Berlinit lindor.
Në nisje të takimit, Kryeministri vizitoi sallën e armëve, ku u ftua të nënshkruajë Librin e Artë të qytetit të Berlinit.
<
