Gjykata e Posaçme ka shpallur sot vendimin për Meviol Bilon, ish-komandoja i akuzuar për vrasjen e ndodhur në ish-Bllok më 4 tetor 2018.
Bilo u dërgua për gjykim nën akuzën për plagosjen e rëndë në kapërcim të kufijve të mbrojtjes së nevojshme, ndaj shtetasit Elion Hato.
Kujtojmë se ish-komando i Forcave të Armatosura u dënua nga gjykata me 7 vite burg për plagosje e armëmbajtje pa leje. Por duke përfituar nga gjykimi i shkurtuar, dënimi i Meviol Bilo u reduktua në 4 vite e 8 muaj burg. Edhe ky dënim i është konvertuar atij në shërbim prove.
Sipas “Neës 24”, avokati i Bilos Alban Bengasi arriti të bindte gjykatën se klienti i tij kishte reaguar duke perdorur armën për shkak se i rrezikohej jeta.
Kështu nga sot, Bilo fiton lirinë.
Ngjarja e rëndë ndodhi më 4 tetor 2018 në ish-Bllok, ku mbeti i vrarë Fabian Gaxha, si dhe u plagosqn Ervis Martinaj dhe Eljon Hato. Prokuroria beson se krimi ndodhi për shkak të mosmarrëveshjeve të vazhdueshme mes dy grupeve në një lokal në ish-Bllok.
