Nathalie Ramirez, 23 vjeç, u vra brutalisht nga i dashuri i saj 31-vjeçar, i cili akuzohet se e ka shtyrë nga kati i 15-të i ndërtesës ku jetonin në New York, ndërsa ajo mbante në krahë foshnjën e tyre 5-muajshe.
Sipas burimeve policore të cituara nga New York Post, ngjarja ndodhi kur 31-vjeçari Angel Carrasco shkoi në banesën e Ramirezit me lule, me qëllim që të pajtoheshin pas një grindjeje që kishin pasur.
Sipas të njëjtit burim, pasi 23-vjeçarja refuzoi propozimin për pajtim, Carrasco u tërbua dhe dyshohet se e shtyu nga kati i 15-të. Ramirez humbi jetën menjëherë nga rënia, ndërsa foshnja e tyre, Angel Novelti Carrasco-Ramirez, po lufton për të mbijetuar.
Carrasco, i cili la pas lulet që i kishte sjellë të dashurës së tij, u arrestua pak më vonë.
Të enjten, ai u paraqit para prokurorit, duke buzëqeshur, ndërsa turma e pranishme brohoriste “frikacak” dhe “Shpresoj të të vrasin në burg”.
Sipas hetimeve, 31-vjeçari ishte akuzuar edhe më parë për dy raste dhune ndaj Ramirezit gjatë vitit 2026. Më 5 janar, ai u akuzua për sulm të shkallës së tretë, pasi dyshohet se e kishte goditur me shuplakë dhe i kishte shkaktuar mavijosje, pas një konflikti që nisi kur ajo u ankua se ai po komunikonte me ish-partneren e tij.
Tri ditë më vonë, ai u akuzua për një tjetër incident të dhunës në familje, pasi dyshohet se kishte hyrë me forcë në apartamentin e saj dhe kishte qëndruar aty duke e pritur.
Në dosjen e tij kriminale figurojnë edhe dy arrestime të tjera, një për identifikim të rremë dhe një për posedim marijuane, të dyja në vitin 2016.
On Thursday afternoon, Angel Carrasco, accused of fatally shoving his ex-girlfriend from a Bronx balcony, was walked out of the police precinct and seemingly smiled as a large crowd jeered him. More: https://t.co/EaOcvej7zD pic.twitter.com/5ymfK18NGf
— Eyewitness News (@ABC7NY) October 8, 2026
