Mazhoranca ka mbledhur ditën e sotme plot 50 firma për shkarkimin e Presidentit të vendit, Ilir Meta.
Emrat u dorëzuan në Kuvend me kërkesë për shkarkimin e presidentit Ilir Meta, me argumentin se ka kryer shkelje anti-kushtetuese përpara dhe gjatë fushatës elektorale.
Në një prononcim për media ishte Taulant Balla, ai i cili bëri me dije shkeljet e kryera nga presidenti, por pa i specifikuar hollësisht.
Në shkresën zyrtare dorëzuar legjislativit të firmosur nga 50 deputetë gjenden dhe provat që socialistët kanë arritur të mbledhin për të faktuar shkeljet e Metës.
Provat qëndrojnë te 11 deklarata publike të presidentit Ilir Meta në rrjete sociale, ku më e fundit është ajo e 28 Prillit ku deklaroi firmosjen e Dekretit në mbrojtje të Republikës, ku u aludua për një shpërndarje të mundshme të parlamentit.
Më poshtë gjeni shkresën e plotë sipas datave të shkeljeve që socialistët pretendojnë se ka kryer Presidenti Meta:
