Teksa ditën e nesërme në Kosovë në vendbanimet me shumicë serbe do të zhvillohet procesi i votimit për zgjedhjet parlamentare të Serbisë, kryeministri Edi Rama ka bërë apel për një mbështetje masive për Listën e Luginës së Bashkuar.
Në një shënim në Twitter, Rama shprehet se bashkimi i votës për Luginën e Bashkuar fuqizon zërin e shqiptarëve dhe i jep forcë përfaqësuese një bashkësie që meriton shumë më shumë.
“Uroj nesër pjesëmarrja të lartë në zgjedhje dhe mbështetje masive për Listën e Luginës së Bashkuar!
Bashkimi i votës për Luginën e Bashkuar fuqizon zërin e shqiptarëve dhe i jep forcë përfaqësuese një bashkësie që meriton shumë më shumë.
Forca vëllezër, bashkimi bën fuqinë”- shkruan Rama.