Këshilli i Lartë i Prokurorisë ka publikuar listën e kandidatëve, të cilët plotësojnë kushtet dhe kriteret ligjore për t’u përfshirë në shortin për zgjedhjen e anëtarëve të Këshillit të Emërimeve në Drejtësi.
Gjithashtu KLP ka publikuar edhe listën e kandidatëve që nuk kanë plotësuar kushtet.
Tani sipas parashikimeve ligjore këto lista do ti dërgohen Presidentit të Republikës dhe Kuvendit të Shqipërisë.
Këshilli i Lartë i Prokurorisë është organi i cili garanton pavarësinë, llogaridhënien, disiplinën, statusin dhe karrierën e prokurorëve të Republikës së Shqipërisë. Ai përbëhet nga 11 anëtarë, gjashtë prej të cilëve zgjidhen nga prokurorët e të gjitha niveleve të prokurorisë dhe pesë anëtarë zgjidhen nga Kuvendi, nga radhët e juristëve joprokurorë.
