Në një deklaratë për “Euronews Albania”, zëdhënsja e BE-se Maja Kocijançiç tha se nuk i takon Bashkimit Evropian të vlerësojë përputhshmërinë e hapave të ndërmarrë në lidhje me emërimin e anëtarëve të Gjykatës Kushtetuese me Kushtetutën dhe ligjet përkatëse ku natyrisht bëhet fjalë per interpretimin ligjor për afatin 30 ditor që u lihet në dorë instuticionev në radhën e emrimit të anëtarëve të Gjykatës Kushtetuese, ligji i cili nuk bënë dallim as për Presidentin.
Por Blushi i Metës që tashmë ka marrë përsipër të gjitha funksionet e lehsit, duke sulmuar sa majtas, djathtas, amerikanë, europianë, socialistë dhe konstitucionalistë, me një mesazhi në ‘Facebook’ i sugjeron edhe Kocijancic që të lexojë Kushtetutën, sikur është shoqja e tij nga fshatrat nga ka ardhur:
“Maja të lexojë Kushtetutën në shqip dhe të mos keqpërdoret nga Rilindja për lajme dite!”, thotët lehsi i papërtueshëm Blushi
Por askush nuk e kupton, se çfarë ka thënë Kocijançiç në favor të Rilindjes!
Ja deklarimi e plotë e saj:
Reforma në drejtësi e miratuar unanimisht nga Parlamenti me ndryshimet kushtetuese dhe legjislative të vitit 2016 kishte konceptuar renditjen teknike nga Këshilli i Emërimeve në Drejtësi, kufizimin e diskrecionit të organeve të emërimit me tre kandidatët e parë më të kualifikuar, si dhe zbatimin e mekanizmit zhbllokues pas skadimit të një afati 30-ditor, si mjete të rëndësishme për të forcuar parimin e pavarësisë së institucioneve të drejtësisë, në veçanti të Gjykatës Kushtetuese, si dhe parimet e objektivitetit, meritokracisë dhe vazhdimësisë institucionale në
lidhje me emërimin e zyrtarëve të sistemit të drejtësisë.
Një interpretim që nuk i pranon këta elementë thelbësorë të mekanizmit të emërimit, siç përcaktohet në Kushtetutë dhe ligjet përkatëse, vë në pikëpyetje parimin e shtetit të së drejtës.
Nuk i takon Bashkimit Evropian të vlerësojë përputhshmërinë e hapave të ndërmarrë në lidhje me emërimin e anëtarëve të Gjykatës Kushtetuese me Kushtetutën dhe ligjet përkatëse.
Në të njëjtën kohë, është thelbësore që ky konflikt interpretimi të zgjidhet me urgjencë, duke marrë parasysh dispozitat dhe frymën e ndryshimeve kushtetuese dhe legjislative të vitit 2016, për të siguruar që Gjykata Kushtetuese të bëhet plotësisht funksionale sa më shpejt që të jetë e mundur.
Në mungesë të një Gjykate Kushtetuese funksionale që mund të vendosë mbi këtë interpretim të papajtueshëm, rekursi për një mendim të Komisionit të Venecias duket si një zgjidhje efektive për ta trajtuar këtë situatë si një çështje me përparësi. /Ekskluzive.al
