Ditët e fundit janë përhapur lajme se Edi Rama i ka bërë presion Fevzos të heqë dorë nga mbështetja për Bashën në emisionin e tij. Sipas burimeve, presioni ka tentuar t’i bëhet gjatë një darke në një tavolinë që Rama ka shtruar për nder të Fevzos. Jari ka zbardhur darkën dhe mënyrën se si Fevzo ka shmangur presionin e Ramës:
“Të nderuar demokratë,
Jari ju sqaron!
Ngjarja që ka lidhje me Fevzon është shumë e rëndë.
Presioni i Edi Ramës ka qenë kriminal.
Rama ka thirrur vet Fevzon në telefon dhe i ka kërkuar të hanë një darkë bashkë.
Fevzo ka refuzuar, duke i theksuar se ai pa Sandrin nuk ha darka me njeri.
Rama pasi është kapur gafil, është munduar t’ia mbushë mendjen të hanë darkë vetëm, por Fevzo ka rezistuar.
Më në fund Rama ka pranuar të hanë darkë dhe me Sandrin.
Problemi ishte se kush do e ftonte Sandrin.
Këtë e mori përsipër përsëri po vetë Rama.
Ka ftuar Sandrin të hanë darkë me Fevzon.
Sandri është kapur në befasi nga ftesa dhe ka refuzuar.
-Nuk ha darkë pa Zamirin, i ka thënë.
Rama është kapur ngushtë e s’ka ditur ç’të bëjë.
Është përpjekur t’i mbush mendjen të hanë darkë pa Zamirin, por Sandri nuk ka pranuar.
Pas shumë debatesh, Rama është dorëzuar.
Ka pranuar të shkojë në darkë dhe Zamiri.
Pastaj ka filluar debati ku do ta hanë darkën.
Rama ka prozuar një restorant të zakonshëm në Tiranë.
Fevzo nuk ka pranuar.
-Nuk mund të ulem në çfarëdo restoranti, ka thënë.
Pastaj duhet pyet dhe Sandri.
Sandri ka refuzuar po ashtu.
-Minimumi do shkojmë tek restoranti im, ka thënë.
Më në fund Rama është dorëzuar dhe kanë shkuar bashkë të gjithë tek restoranti i Sandrit, afër Kryeministrisë.
E gjithë kjo përpjekje e Ramës, ka qenë e qëllimshme për të mposhtur Fevzon dhe për ta bindur të bëhej me socialistët.
Por ai ka refuzuar dhe ka detyruar Ramën që në takim të jetë dhe Sandri, dhe Zamiri, dhe darka të bëhet tek restoranti i Sandrit.
Kjo është një betejë për t’u përgëzuar. Fundi i Ramës është afër.
I juaji, Jari!”
