Nga Av. Idajet Beqiri
Një bandë e mirë organizuar brenda gjirit famëkeq të PD, e ashtuquajtur “opozitë”, duke huazuar metodat koçixoxiste të viteve 1946-1948, vazhdojnë të linçojnë shqiptarët më zi se në çdo tip diktature fashiste apo komuniste. Me një vrazhdësi dhe fjalor tipik agresiv, deri fashistoid, gjoja në emër të “fitimit të terrenit ndaj kundërshtarit politik”, më egër se sa kafshët grabitqare, prej kohësh shkelin me këmbë, pa respektuar asnjë kriter ligjor, asnjë normë morale dhe as më të voglën ndjenjë humane individ me emër, intelektualë të nderuar, familje me tradita, që përbëjnë rrënjët e atdheut tonë me emrin Shqipëri.
Të bindur se janë të paprekshëm, të imunizuar prej poshtërsive dhe krimeve që kanë bërë dhe bëjnë çdo ditë, duke shpërdoruar detyrën, nuk kanë ngurruar të bëjnë ligje antihumane, antinjerëzore, të denja vetëm për diktaturat fashiste, me bindjen se ato do të vrasin vetëm kundërshtarët e tyre politik apo të cilitdo që prek interesat e kësaj bande. Ligji për “dekriminalizimin” është turpi i turpit për një vend në mes të Europës. Ai është haptaz në kundërshtim me Konventën Europiane të Drejtave dhe Lirive Njerzore si dhe me të gjitha konventat e tjera ndërkombëtare për liritë dhe të drejtat e njeriut. Banda kriminale e Berishës, pasi e bëri Shqipërinë një plasdarmë krimi dhe infeksioni të pariparueshme, meqenëse e mbajtën veten me dhunë dhe me mjete korruptive larg ndëshkueshmërisë, për të nxjerrë veten “të larë” prej krimeve të kryera, nxorën ligjin absurd të dekriminalizimit. Me këtë ligj po vrasin dhe po linçojnë gjithkënd që nuk u vjen pas avazit, këdo që ka mënd, ka tru, ka fuqi e aftësi të ndryshojë për mirë vendin, të përmirësojë jetën e popullit. Herë me shpifje, herë me zmadhim të ndonjë gabimi të bërë në jetë, por gjithmonë me paramendimin për t’i nxirë jetën kundërshtarit, po godasin për vdekje jo vetëm njerëz thelbësisht të mirë për vendin dhe për popullin, por po e degradojnë deri në shkallën e bërjes të urryeshme në sy të njerëzve të sistemit të demokracisë, duke e pasur atë shumë herë më shumë frikë, nga sa kishin diktaturën që përmbysën.
Për turpin e tij, Lulzim Basha, kreu i PD, njeriu që pretendon të bëhet në zgjedhjet pasardhëse politike si kryeministër i vendit, përmes një fjalori të pa fre, vulgar, e deri kriminal, e konsideron Valdrin Pjetrin “kriminel” të rrezikshëm. Sipas Bashës, “pushteti vendor në Shqipëri ka një kriminel të rrezikshëm më pak”! Të bësh deklarata të tilla, në një kohë që pretendon të bëhesh “kryeministër” i vendit, tregon se kemi të bëjmë me një person që nuk duhet të lejohet kurrën e kurrës, madje me çdo mjet, që t’i afrohet qoftë edhe një posti të thjeshtë zyrtar, jo më postit më të rëndësishëm të kryeministrit të vendit.
Pavarësisht se të vërtetën për “tragjedinë” e Valdrin Pjetrit do ta zbardhë organi i akuzës, e marrim si plotësisht të vërtetë çfarë ekspozoi burrë-gruaja sekretar i përgjithshëm i PD Gazmend Bardhi! Kur ka qenë 20 vjeç, domethënë 16 vjet më parë, studenti Valdrin Pjetri qenka dënuar me 18 muaj burg dhe 1000 euro gjobë! Ky dënim nuk është vuajtur sepse Gjykata italiane ka vlerësuar se Valdrin Pjetri është treguar aq i penduar, sa ekzekutimi i atij vendimi dënimi, bëhej i panevojshëm dhe i padobishëm…!
Pas 16 vjetësh kandidati i mavritosur dhe plotësisht i marrosur për kryeministër Lulëzim Basha, e konsideron Valdrin Pjetrin “kriminelin më të madh prej të cilit shpëtoi pushteti vendor”! Një superekstremist i tillë, më antinjerëzor, më antihuman dhe më xhahil se vet xhelati i njerëzimit Adolf Hitler, nuk duhet të qaset kurrën e kurrës t’i afrohet “sofrës” së pushtetit dhe të marrjes së një posti publik. Tipa të tillë pa pikën e ndjenjës njerëzore, pa pikën e humanizmit, shkatërrojnë shpirtrat njerëzor të vendit, sëmurin me ankth, me frikë, me pasiguri shoqërinë, me sëmundjen e tyre koçixoxiste të viteve 1946-1948. Tipa të tillë nuk duan t’ia dinë se ka një institut ndërkombëtarisht të njohur në botë, sikurse është instituti i rehabilitimit, çka do të thotë se nuk ka të dënuar përjetësisht për një faj apo gabim të bërë dhe të shlyer.
Nëse vërtetë Valdrin Pjetri është dënuar me 18 muaj me kusht në vitin 2002, pas dy vjetësh, domethënë në vitin 2004 ai konsiderohet i rehabilituar plotësisht në bazë të nenit 69 të Kodit Penal të Republikës së Shqipërisë, domethënë quhet i padënuar. Si athere e konsideron “kriminel të rrezikshëm” pas 15 vjetëve të rehabilituar një person të tillë, për më shumë kur gjatë këtyre viteve ky person me vepra, madje me vepra të dukshme në interes të shtetit dhe të shtetasve të këtij vendi, ka treguar se është diametralisht i kundërt me atë që është akuzuar dhe dënuar 17 vjet më parë në rininë e hershme të tij?!
Linçimi që banda kriminale linçuese Berisha- Basha-Meta, nxitës të “qenve të tërbuar” që po “kafshojnë” me dhëmbët e tyre të infektuar antishqiptar Valdrinin dhe gjithë shqiptarët e tjerë të vërtetë, të cilët kanë të drejtën e jetës dhe të rehabilitimit, ka si qëllim të vetëm mbulimin e kryekrimeve të tyre, mbulimin e gjenocidit të tyre kundër gjithçkaje shqiptare në këtë vend gjatë këtyre 28 viteve, ka si qëllim proklmimin “de facto” të sistemit të demokracisë, sikur të jetë sistem fashistë dhe shumë më keq se sa fashizmi.
