Nga Anri Bala
Kushdo që di pak shkrim e këndim, nuk e ka harruar se çfarë shkruanin Edi Rama dhe Erion Veliaj për Saimir Tahirin, e kam fjalën për “Heroin” e Lazaratit, atë që vetëm disa ditë para se të dilnin përgjimet e Antimafias Italiane, në të gjitha sondazhet e kishte kthyer policinë, një nga struktuarat më të besushme për qytetarin. Plot 68% e tyre besonin tek policia e re, e Tahirit… por nuk qe e thënë.
Ata betoheshin se e kishin shumë xhan e mik dhe e donin, ndaj gjykuan ta flakërinin të plagosur në kafazin mbushur me hiena, për t’ia lënë në dorë të asaj që nuk ekzistonte, që ende është vite dritë larg së ekzistuari… Drejtësisë Shqiptare.
E aty ku e gremisën, tek “drejtësia e vërtetë”… aty e “mirëpriste” Iliri, një nga kundërshtarët e tij kryesor, sëbashku me opozitën e orlave të Lylit, të cilëve i’u ndezën shpresat për të luftuar armikun kryesor, që i shkatërroi e i dogji, duke i’u rrëzuar muret e strofullës së tyre të krimit dhe burimit kryesor të milionave pa adresë.
Për ata që e kuptojnë, rrëzimi i Lazaratit, nuk ishte fundi i një fshati me bujq e fshatarë që mbillnin hashash, por shkatërrimi i mitit të paprekshmërisë së një fshati që vetqeverisej nga droga e krimi, ku gjithësecili ishte mbret në ahurin e tij, ku askund nuk vepronte ligji, e ku pushtetarët shkonin si të ftuar herë te mbretëria e Vandamëve e herë te ajo e Shvarcenegërve… jo se i druheshin, por se paguheshin.
Çuditërisht, Rama na zgjodhi ta kishte “mik” bashkëpuntorin e tij më të afërt prej shumë vite, që i kishte lënë çelësat në dorë të gjysmës së partisë… a thua se nuk e njihte kush ishte deri dje dhe bërtiti: DUAM TË VËRTETËN! SA MË PARË! Qesharake, por kështu e shkruajti me shkronja të mëdha, e më pas vazhdoi sipas midesë së artistit, a thua sikur e shihte skenën nga jashtë dhe Saimiri, nuk kishte qenë kurrë ministri i tij:
“Është e neveritshme dhe shokuese çka ka dalë prej bisedave të dy kriminelëve! Saimir Tahirin e njoh prej vitesh dhe kam pasur vetëm fjalë mbështetjeje e inkurajimi për të, si person me qëllime të mira, aftësi dhe integritet. Por Shqipëria dhe shqiptarët, sot duan e meritojnë të dinë të vërtetën, vetëm të vërtetën dhe asgjë tjetër përveç të vërtetës. Prandaj, të gjitha organet ligjzbatuese, duhet t’i shkojnë deri në fund e pa humbur kohë, kësaj historie, për të hedhur dritë të plotë mbi faktet.”
Me këtë status, Rama rrëzoi mitin e policisë së tij, asaj që i kishin besuar qytetarët e këtij vendi… siç ai pretendonte deri në fund… policinë për të cilën ai nuk linte dalje në televizior pa e mburrur. Por pse? Vetëm se disa trafikantë të rëndomtë albanez, flisnin për një person të fuqishëm me emrin Saimir… pa mbiemër, që i kishin blerë kostumin dhe nje byzylyk për gruan dhe ky u kishte hapur “rrugët e trafikut”.
As një ndryshim nga përgjimet e disa mitomanëve që hapeshin bythësh për lidhje me ministrin dhe shtetin shqiptar, me miqtë imagjinarë të kryeshtetarit Ilir Meta dhe këshilltarin e tij Ilir Kulla, që për fatin e keq na ka krijuar dyshime, se takimet me “specialistët” italian, kalojnë nëpërmjet “kullës” të instaluar në Presidencë.
Madje kur e panë, se fitoi edhe më shumë popullaritet në “gjyqin” e tij të parë kundër partisë së tij, kundër ish miqve e kolegëve, që e deshën aq shumë sa e sakrifikuan… “dhënduri” i Bashkisë me vëllain trafikant droge, Fatmir Xhafaj, ia kapi dhe patentat e lundrimit në makinë si provë që e “inkriminonte” në trafikun e drogës. Mirë që nuk kishte bërë edhe ndonjë kurs aeronautike se do e kishin nxjerr edhe trafikant që pilotonte aviona me drogë. Aty edhe socialistët u dorëzuan e u larguan të frikësuar, se menduan se “po hanin ndonjë plumb qorr” nga bandat brenda partisë.
Saimirin e gremisën dhe e larguan si lebroz… të vetët, por duke kënaqur edhe oreksin e Ilirit dhe Bashës, e kështu të gjithë mbetën të kënaqur! Saimirin nuk e sulmoi Iliri, se ndryshe nuk do pinte kafe sot me Presidentin tek Rezidenca Kodra e Diellit.
Shihni sa patetikë janë kthyer dy “boksierët” që dje grushtuan Saimirin, sot, po luftojnë të mbrojnë Ilirin, me heshtjen e tyre si “trima”!/Ekskluzive.al
