Presidenti Ilir Meta ka krijuar një rast të paprecedent duke mos hedhë firmën për Sandër Lleshin si ministër i Brendshëm, në një kohë kur Kushtetuta s’ja jep këtë të drejtë, por edhe duke mos patur asnjë argument real pse nuk e firmos dekretin.
Të gjitha pretendimet e Metës janë nul dhe janë sqaruar disa herë nga konstitucionalistë e profesionistë të fushës. Përpos bindjes së Ilir Metës e cila nuk po krijohet e plotë, të gjitha pretendimet e tjera të tijat kanë rënë.
Argumenti më i fortë i Metës i nxjerrë 7-ditëshin e dytë ishte se Lleshi është ushtarak në shërbim, ndaj ia ndalon Kushtetuta që të mbajë njëkohësisht edhe postin e ministrit.
Por e vërteta është ndryshe dhe krejt e thjeshtë.
Po, Lleshi ka qenë ushtarak në shërbim deri në maj të 2013, vit në të cilin u ç’dekretua nga Nishani, duke u liruar kështu nga detyra. Pasi fitoi gjyqin, Lleshi nuk donte të kthehej në punën e tij si ushtarak ndaj dhe nuk u ridekretua. Sot që flasim Lleshi nuk ka asnjë pengesë për tu bërë ministër, veç bindjes së paplotë të Ilir Metës.
Por, si për të vërtetuar këtë, vlen të shihet edhe rasti i Dritan Demirajt, i cili me propozim të Bashës dhe me dekretim të Bujar Nishanit, u bë ministër i Brendshëm në 2017-ën.
Dritan Demiraj ishte liruar nga detyra (njëlloj si Lleshi) në 2014 dhe me të drejtë Presidenti Nishani e ka dekretuar.
Por ajo që është paradoksale është fakti se PD sot, për një rast identik me atë të ministrit të saj teknik, është kundër dekretimit të Lleshit.
Vetëm në prill të 2018, Demiraj u kthye sërish si ushtarak në shërbim, ku më anë të një postimi në Facebook, duke falenderuar ministren Xhaçka shkruan se me rastin e rikthimit si kolonel aktiv ne FA, dëshironte të ndante me miqtë e tij të rrjetit social disa mesazhe pozitive.
Thënë këtë, del e qartë edhe njëherë se Ilir Meta sot po kalon mbi Kushtëtutën për të dytën herë, duke mos patur asnjë argument real për mosdekretimin e Lleshit, veç bindjes së familjes së tij politike dhe aleatit Basha edhe pse ky i fundit për rastin Demiraj ishte dakord për dekretin, ndërsa sot është kundër./LEXO.AL
Më poshtë keni mesazhin në facebook ish ministri i Brendshëm që sot është kolonel aktiv në FA ka bërë në facebook.
Dritan Demiraj
April 23 •
Te nderuar miq!
Sot me rastin e rikthimit si kolonel aktiv ne FA, kam deshire te ndaj me Ju disa mesazhe.
Ju falenderoj perzemersisht, emer per emer, per vemendjen, solidaritetin dhe mbeshtetjen qe me keni dedikuar ne betejat institucionale, morale dhe gjyqsore per tu rikthyer ne sherbimin aktiv te FA te RSH.
E drejta vonoi pak, por me ne fund u vu ne vend. Ketu nuk ka vend as per triumfalizem por dhe zero arrogance nga ana ime.
Do te ishte e padrejte te mos shprehja mirenjohjen time per MM zonjen Olta Xhacka, per qasjen dhe adresimin shtetar te rastit tim.
Me kete rast ju siguroj se “si ushtar i atdheut” do te vijoj te kontriboj me profesionalizem, perkushtim, perulesi dhe pergjegjshmeri ne dobi te mbrojtjes dhe prosperitetit te mbare kombit.
Artdheu, Detyra dhe Nderi do te mbeten pasaporta e vetme deri ne fund te jetes time.
Kolonel DD, PhD (Nderi i Kombit).
