Ambasadorja Yuri Kim doli ditën e djeshme me një reagim të fortë përmes të cilit përgënjeshtroi portalet pranë opozitës që kanë keqinterpretuar një deklaratë të saj, sikur ka thënë se mbështet ndryshimin në 25 prill.
“Po shoh disa tituj çorientues. Ju lutemi shikoni të gjithë intervistën. Nuk mbështet ndonjë kandidat, ose parti të caktuar. SHBA mbështet të drejtën e qytetarëve për të bërë të njohur vullnetin e tyre përmes votës së tyre.
SHBA paralajmëron kundër atyre që e mohojnë këtë të drejtë duke blerë vota, ose duke frikësuar votuesit”, shkruante Kim në Twitter.
Pas kësaj deklaratë të ambasadores Yuri Kim ka ardhur edhe reagimi i ish-kreut të Aleancës Kuq e Zi, Kreshnik Spahiu.
“Reagon ashpër ambasada SHBA:
Yuri Kim përgënjeshtron port-halet që paguhen nga Berisha-Meta dhe keqinterpretuan deklaratat e saj: “SHBA-të nuk mbështet Partinë Demokratike dhe as rotacionin”.”, shkruan Spahiu krahas deklaratës së ambasadores Kim.
