Një indian ka mbërritur në Sarandë, pas një udhëtimi me këmbë në 42 shtete të botës. Misioni i këtij udhëtimi të rrallë.
Shënohet në 150-vjetorin e lindjes së udhëheqësit politik dhe ideologjik, Gandhi, dhe prek tokën shqiptare për gruan e veçantë që shërbeu në Indi, Nënë Terezën.
Nitin Sonawane, indiani i cili ka udhëtuar deri tani në 42 shtete me këmbë, ka mbërritur këtë të diel në Sarandë.
“Po udhëtoj në këmbë përreth botës për të festuar 150 vjetorin e Mahatma Gandhi. Arsyeja perse jam këtu ka të bëjë me shqiptarët, konkretisht me gruan e veçantë, Nene Tereza e cila shërbeu në Indi”.
Marshimi i paqes siç e quan ai, nisi nga India.
“Unë kam udhëtuar në 42 shtete. Sot jam në Sarandë dhe më pas do të udhëtoj për në Tiranë, dua të takohem edhe me Presidentin”.
Nitin Sonawane ecën 6-9 ore duke përshkuar rreth 30 km çdo ditë në këmbë.
Qëllimi i udhëtimit të tij është njohja me traditat e vendeve ku udhëton dhe përcjellja e mesazhit të Mahadma Ghandi, “të shohim paqen tek njeri-tjetri.”
