Nënkryetari i Kuvendit, Myslim Murrizi, ka bërë një deklaratë surprizuaese për goditjen e disa personave të cilët i quan si ‘peshqit e mëdhenj’.
I ftuar në emisionin “45 Minuta: me gazetarin Denis Minga, Murrizi u shpreh se brenda këtij viti pritet një goditje e madhe. Ai u shpreh më tej se goditja do të ndodhë pas ngritjes së SPAK.
“Unë uroj që të gjithë këta të kalojnë vettingun dhe të nisin nga puna pasi do të ndodhin godotje të fuqishme.
Të fillojë SPAK dhe të merren me ata që janë bërë si baballarët e kombit. Peshqit e mëdhenj do ti kemi shpejt. Goditjet e para besoj që do të jenë brenda këtij viti.
Hajduti nuk ka ngjyrë, këta janë në një vend. Nuk janë vec e vec për të vjedhur, po të hapësh tefterët e biznese do të shikosh gallatë.
Kjo është arsyeja që prej 20 e ca vitesh punojnë 2-3 biznesmenë që kur ka qenë Nano, qeveria ime, por edhe kjo punonin bashkë, që Basha u thotë tani oligarkë,”- tha Muzrrizi.
Më pas nënkryetari i Kuvendit tha, se Basha quan oligarkë ata biznesmenë me të cilët nuk ndan dot asgjë.
“E kanë mbyllur rrethin. Kur ndajnë me ata i quajnë biznesmenë, kur nuk ndajnë i quajnë oligarkë,”- përfundoi Murrizi.